அரசு பள்ளியில் அறிவியல் திருவிழா

பெரம்பலூர் மாவட்டம் குன்னம் அருகே உள்ள வயலப்பாடி ஊராட்சி ஒன்றிய நடுநிலைப் பள்ளியில் தமிழக அரசின் பள்ளிக்கல்வித்துறை சார்பில் வானவில் மன்றம் மற்றும் இல்லம் தேடிக்கல்வி திட்டம் இணைந்து மாணவர்களுக்கு கோடைக்காலத்தில் "ஆயிரமாயிரம் அறிவியல் திருவிழா" நடைபெற்றது. விழாவுக்கு பள்ளி தலைமையாசிரியர் பாலமுருகன் தலைமை தாங்கினார். வானவில் மன்ற கருத்தாளர் தனலட்சுமி அறிவியல் பரிசோதனைகள், கணித செயல்பாடுகள், அறிவியல் ரீதியான தந்திரங்களை செய்து காண்பித்தார். மாணவர்கள் கோடை விடுமுறையிலும் ஆர்வத்துடன் கலந்து கொண்டனர்.