'' தி ராஜா சாப்'' - ''துரந்தர்'': பாக்ஸ் ஆபீஸ் மோதல்...சஞ்சய் தத் கொடுத்த பதில்

சென்னை,

'தி ராஜா சாப்' மற்றும் 'துரந்தர்' ஆகிய இரண்டு படங்களும் ஒரே நாளில் வெளியாக உள்ளநிலையில், இரண்டிலும் நடித்துள்ள சஞ்சய் தத், மோதலை விரும்பவில்லை என்று கூறி இருக்கிறார்.

கடந்த வியாழக்கிழமை மும்பையில் நடைபெற்ற 'கே.டி - தி டெவில்' படத்தின் டீசர் வெளியீட்டு விழாவில் நடிகர் சஞ்சத் இது குறித்து பேசினார். அவர் கூறுகையில்,

"இது ஆச்சரியமாக இருக்கிறது. நான் இரண்டு படங்களிலும் வெவ்வேறான கதாபாத்திரங்களில் நடித்துள்ளேன். 'துராந்தர்'-ல் வேறு, 'தி ராஜா சாப்'-ல் வேறு. இரண்டும் பாக்ஸ் ஆபீஸில் மோதுவதை நான் விரும்பவில்லை, அவை மோதக்கூடாது என்று நம்புகிறேன்'' என்றார்.

ஆதித்யா தார் இயக்கியுள்ள 'துரந்தர்' படத்தில் ரன்வீர் சிங், ஆர். மாதவன், அர்ஜுன் ராம்பால் மற்றும் அக்சய் கன்னா உள்ளிட்ட பலர் நடித்துள்ளனர். .

மாருதி இயக்கியுள்ள 'தி ராஜா சாப்' படத்தில் பிரபாஸ், போமன் இரானி, மாளவிகா மோகனன் மற்றும் நிதி அகர்வால் ஆகியோர் முக்கிய கதாபாத்திரங்களில் நடித்துள்ளனர்.  இவ்விறு படங்களும் டிசம்பர் 5-ம் தேதி வெளியாகிறது.