தமிழகத்தில் 6 இடங்களில் இன்று வெயில் சதமடித்தது
அதிகபட்சமாக மதுரை விமான நிலையத்தில் 102.92 டிகிரி பாரான்ஹீட் வெப்பம் பதிவாகியுள்ளது.;
கோப்புப்படம்
கடந்த மார்ச் மாதத்தில் இருந்தே வெயில் வாட்டி வதைத்து வருகிறது. இந்த நிலையில் அக்னி நட்சத்திரம் என்று சொல்லக்கூடிய கத்திரி வெயில் கடந்த 4-ந்தேதி தொடங்கியது. கத்திரி வெயிலின் தொடக்கத்தில் இயல்பைவிட வெப்பத்தின் தாக்கம் அதிகரித்து காணப்பட்டது.
இந்த நிலையில் கடந்த சில நாட்களாக தமிழகத்தில் பெரும்பாலான மாவட்டங்களில் மழை பெய்து வருகிறது. இதன் காரணமாக, கோடை வெப்பத்தின் தாக்கம் சற்று தணிந்துள்ளது. இருப்பினும் தமிழகத்தில் இன்று 6 இடங்களில் வெயில் 100 டிகிரி பாரன்ஹீட்டை தாண்டி பதிவாகியுள்ளது. அதிகபட்சமாக மதுரை விமான நிலையத்தில் 102.92 டிகிரி பாரான்ஹீட் வெப்பம் பதிவாகியுள்ளது. 100 டிகிரியை தாண்டி வெயில் பதிவான இடங்கள் விவரம் வருமாறு:-
மதுரை விமான நிலையம் - 102.92 டிகிரி பாரான்ஹீட்
கரூர் பரமத்தி - 101.3 டிகிரி பாரான்ஹீட்
மதுரை நகரம் - 100.76 டிகிரி பாரான்ஹீட்
சென்னை மீனம்பாக்கம் - 100.76 டிகிரி பாரான்ஹீட்
திருச்சி - 100.58 டிகிரி பாரான்ஹீட்
தூத்துக்குடி - 100.4 டிகிரி பாரான்ஹீட்