ரொனால்டோவை பின்னுக்குத் தள்ளி முதலிடத்திற்கு முன்னேறிய மெஸ்ஸி

வாஷிங்டன்,

கால்பந்து வரலாற்றில் பெனால்டி அல்லாமல், அதிக கோல்கள் அடித்த வீரர்கள் பட்டியலில் ரொனால்டோவை (போர்ச்சுகல்)  பின்னுக்குத் தள்ளி மெஸ்ஸி (அர்ஜென்டினா)   முதலிடத்திற்கு முன்னேறியுள்ளார் . பெனால்டி அல்லாமல் மெஸ்ஸி 764 கோல்களும், ரொனால்டோ 763 கோல்களும் அடித்துள்ளனர்.   குறிப்பாக, ரொனால்டோவை விட 167 போட்டிகளுக்கு முன்பாகவே இந்த மைல்கல்லை மெஸ்ஸி எட்டியுள்ளார்.

நேற்று முன்தினம் நடைபெற்ற இன்டர் மியாமி மற்றும் என்.ஒய் ரெட் புல்ஸ் அணிகளுக்கு இடையேயான போட்டியில், மெஸ்ஸி 2 கோல்கள் அடித்ததன் மூலம் இந்த சாதனையை முறியடித்துள்ளார்.

மெஸ்ஸி கிளப் போட்டிகளில் இன்டர் மியாமி அணிக்காகவும், ரொனால்டோ அல் நசர் அணிக்காகவும் விளையாடி வருகின்றனர்.