மாவட்ட செய்திகள்

தனியார் குடிநீர் நிறுவனங்களுக்கு தடையில்லா சான்று வழங்க தடை விதிக்க வேண்டும், மதுரை ஐகோர்ட்டில் மனு + "||" + The ban should be given to private drinking water companies

தனியார் குடிநீர் நிறுவனங்களுக்கு தடையில்லா சான்று வழங்க தடை விதிக்க வேண்டும், மதுரை ஐகோர்ட்டில் மனு

தனியார் குடிநீர் நிறுவனங்களுக்கு
தடையில்லா சான்று வழங்க தடை விதிக்க வேண்டும், மதுரை ஐகோர்ட்டில் மனு
ஸ்ரீவில்லிபுத்தூர் அருகே இரண்டு தனியார் குடிநீர் நிறுவனங்களுக்கு தடையில்லா சான்று வழங்குவதற்கு தடை விதிக்க கோரி மதுரை ஐகோர்ட்டில் மனு தாக்கல் செய்யப்பட்டுள்ளது.

விருதுநகர்,

விருதுநகரை சேர்ந்த மாயகிருஷ்ணன் என்பவர் மதுரை ஐகோர்ட்டில் தாக்கல் செய்துள்ள மனுவில் கூறியிருப்பதாவது:–

ஸ்ரீவில்லிபுத்தூர் அருகே உள்ள மேலதொட்டியபட்டி, பிள்ளையார்நத்தம் பகுதியில் 1500 குடும்பத்தினர் வசித்து வருகின்றனர். இவர்கள் விவசாயத்தையே முக்கிய வாழ்வாதாரமாக கொண்டுள்ளனர். இப்பகுதியில் 2 சுத்திகரிக்கப்பட்ட குடிநீர் தயாரிக்கும் நிறுவனங்கள் செயல்பட்டு வருகிறது.

இந்த 2 நிறுவனங்களும் 1000 அடிக்கு கீழ் ஆழ்துளை கிணறு அமைத்து தினமும் பல லட்சம் தண்ணீர் எடுக்கின்றனர். தண்ணீரை சுத்திகரித்த பின்னர் கழிவுநீரை அருகில் உள்ள நிலங்களில் விடுகின்றனர். இதனால் இப்பகுதியில் நிலத்தடி நீர் பாதிப்பதோடு, உப்பு தன்மை அதிகரித்து குடிப்பதற்கு தகுதி இல்லாத நிலை ஏற்படுகிறது. இதன் காரணமாக இப்பகுதியில் வசிப்போருக்கு சிறுநீரக பாதிப்பு ஏற்பட்டு உயிரிழக்கும் நிலை ஏற்படுகிறது.

எனவே விதிகளைமீறும் இந்த நிறுவனங்கள் மீது நடவடிக்கை எடுக்க கோரி மாவட்ட அளவிலான அதிகாரிகளிடம் புகார் செய்தும் நடவடிக்கை எடுக்கப்படவில்லை. எனவே இந்த நிறுவனங்களுக்கு குடிநீரை சுத்திகரிப்பு செய்வதற்கு தொடர்ந்து தடையில்லா சான்று வழங்க தடை விதித்து உத்தரவிட கோருகிறேன். இவ்வாறு அந்த மனுவில் கூறப்பட்டுள்ளது.

இந்த மனு நீதிபதி சி.டி.செல்வம், ஏ.எம்.பஷீர்அகமது ஆகியோர் அடங்கிய அமர்வு முன்பு விசாரணைக்கு வந்தது. மனுவை விசாரித்த நீதிபதிகள் இது குறித்து மாநில நில மற்றும் நீர்வள ஆதார மையத்தின் தலைமை என்ஜினீயரும், விருதுநகர் மாவட்ட மாசுகட்டுப்பாட்டு வாரியம் மற்றும் சுற்றுச்சூழல் அதிகாரியும் 2 வாரத்திற்குள் பதில் அளிக்குமாறு நோட்டீஸ் அனுப்ப உத்தரவிட்டதுடன், விசாரணையை 2 வாரங்களுக்கு ஒத்தி வைத்தனர்.



தொடர்புடைய செய்திகள்

1. தமிழக மீனவர்களிடம் இருந்து இலங்கை பறிமுதல் செய்த படகுகளை மீட்காததால் ஐகோர்ட்டில் புதிய மனு அவமதிப்பு வழக்கில் நடவடிக்கை எடுக்க கோரிக்கை
தமிழக மீனவர்களிடம் இருந்து பறிமுதல் செய்யப்பட்ட படகுகளை மீட்காததால் கோர்ட்டு அவமதிப்பு வழக்கில் நடவடிக்கை எடுக்க கோரி மதுரை ஐகோர்ட்டில் மனு தாக்கல் செய்யப்பட்டுள்ளது.
2. எல்லா வயது பெண்களையும் அனுமதிக்கும் சபரிமலை தீர்ப்புக்கு தடைவிதிக்க சுப்ரீம் கோர்ட்டு மீண்டும் மறுப்பு
சபரிமலையில் அனைத்து வயது பெண்களும் செல்ல அனுமதித்து வழங்கப்பட்ட தீர்ப்பின் மீது தடை விதிக்க சுப்ரீம் கோர்ட்டு மீண்டும் மறுத்து விட்டது. இந்த விவகாரத்தில் மத்திய அரசு தலையிடும் என்று மந்திரி மகேஷ் சர்மா தெரிவித்தார்.
3. கீழ்பவானி பாசன பகுதிக்கு தண்ணீர் திறந்துவிடக்கோரி தாசில்தாரிடம் விவசாயிகள் மனு
கீழ்பவானி பாசன வாய்க்கால் பகுதியில் போதிய அளவு தண்ணீர் திறந்துவிடக்கோரி காங்கேயம் தாசில்தாரிடம் விவசாயிகள் மனு அளித்துள்ளனர்.
4. விருதுநகர் நகராட்சியில் துப்புரவு பணியாளர்களை நியமிக்க அனுமதி வழங்க வேண்டும்; நிர்வாக ஆணையருக்கு மனு
விருதுநகர் நகராட்சியில் துப்புரவு பணிகள் மேம்பட நிரந்தர துப்புரவு பணியாளர்கள் நியமிக்க அனுமதி வழங்குவதுடன் நகராட்சிக்கு நிரந்தர ஆணையாளர் நியமனம் செய்யவும் உத்தரவிட வேண்டும் என கோரி நகராட்சிகளின் நிர்வாக இயக்குனருக்கு மனு அனுப்பப்பட்டுள்ளது.
5. மக்கள் குறைதீர்க்கும் கூட்டத்தில் பொதுமக்கள் பல்வேறு கோரிக்கைகளுக்காக மனு
சிவகங்கை கலெக்டர் அலுவலகத்தில் நடந்த மக்கள் குறை தீர்க்கும் கூட்டத்தில் பல்வேறு கோரிக்கைகளுக்காக பொதுமக்கள் மனு கொடுத்தனர்.