மாவட்ட செய்திகள்

நாகர்கோவிலில் நடுரோட்டில் வாலிபரை தாக்கிய கும்பல் கண்காணிப்பு கேமராவில் பதிவான காட்சிகள் பரவியதால் பரபரப்பு + "||" + Nagarjavil mobilot attacking mob surveillance cam on camera scene

நாகர்கோவிலில் நடுரோட்டில் வாலிபரை தாக்கிய கும்பல் கண்காணிப்பு கேமராவில் பதிவான காட்சிகள் பரவியதால் பரபரப்பு

நாகர்கோவிலில் நடுரோட்டில் வாலிபரை தாக்கிய கும்பல் கண்காணிப்பு கேமராவில் பதிவான காட்சிகள் பரவியதால் பரபரப்பு
நாகர்கோவிலில் நடுரோட்டில் வாலிபரை ஒரு கும்பல் தாக்கியது. கண்காணிப்பு கேமராவில் பதிவான இந்த காட்சிகள் வைரலாக பரவியதால் பரபரப்பு ஏற்பட்டது.
நாகர்கோவில்,

நாகர்கோவிலில் பரபரப்பாக காணப்படும் சாலைகளில் பொதுப்பணித்துறை அலுவலக சாலையும் ஒன்று. இந்த சாலையில் பெட்ரோல் விற்பனை நிலையம் அருகே நேற்று முன்தினம் கல்லூரி மாணவர்கள் சிலர் நின்று பேசிக்கொண்டிருந்தனர். அப்போது 5 பேர் கும்பல் வேகமாக மோட்டார் சைக்கிள்களில் வந்து இறங்கினார்கள். பின்னர் அந்த கும்பலை சேர்ந்தவர்கள் திடீரென ஒரு வாலிபரை சரமாரியாக தாக்கினர்.


இதனால் அதிர்ச்சி அடைந்த வாலிபர், அந்த கும்பலை சேர்ந்தவர்களை தாக்க முற்படுகிறார். ஆனால் அவரால் முடியவில்லை. இதனையடுத்து 5 பேரும் சேர்ந்து வாலிபரை விரட்டி விரட்டி நடுரோட்டில் சரமாரியாக தாக்கினர். இந்த சம்பவத்தால் அங்கு பொதுமக்கள் கூடினர். இதைத் தொடர்ந்து அந்த வாலிபரை மோட்டார் சைக்கிளில் ஏற்றி அந்த கும்பல் அழைத்துச் சென்றது.

ஆனால் தாக்கப்பட்ட வாலிபர் யார்? அவர் எந்த ஊரை சேர்ந்தவர்? என்ற விவரம் தெரியவில்லை. மேலும் அந்த கும்பல் எதற்காக வாலிபரை தாக்கியது? என்றும் தெரியவில்லை. இதற்கிடையே வாலிபர் தாக்கப்பட்ட சம்பவம் அனைத்தும் அங்குள்ள ஒரு கண்காணிப்பு கேமராவில் பதிவாகி உள்ளது. இந்த கண்காணிப்பு கேமரா காட்சிகள் நேற்று சமூக வலைதளங்களான வாட்ஸ்-அப் மற்றும் பேஸ்புக்கில் வைரலாக பரவி பரபரப்பை ஏற்படுத்தி உள்ளது.

இதுபற்றி கோட்டார் போலீசாரிடம் கேட்டபோது, “பொதுப்பணித்துறை அலுவலக சாலையில் நடந்த தாக்குதல் சம்பவம் பற்றி எங்களுக்கு எந்த புகாரும் வரவில்லை. பாதிக்கப்பட்ட வாலிபர் புகார் அளித்தால் கண்டிப்பாக நடவடிக்கை எடுக்கப்படும்“ என்றனர்.

தொடர்புடைய செய்திகள்

1. சமயபுரம் போலீசாரால் துப்பு துலங்கியது: இளம்பெண்ணை கொன்று தண்டவாளத்தில் உடலை வீசிய வாலிபர் கைது
திருச்சி சமயபுரம் போலீசாரால் துப்பு துலங்கப்பட்டு, இளம்பெண்ணை கொன்று தண்டவாளத்தில் உடலை வீசிய வாலிபர் கைது செய்யப்பட்டார். போலீசில் அவர் பரபரப்பு வாக்குமூலம் அளித்துள்ளார்.
2. முன்விரோதத்தில் பீர்பாட்டிலால் தொழிலாளி மீது தாக்குதல் - 4 பேருக்கு வலைவீச்சு
முன்விரோதத்தில் பீர்பாட்டிலால் தொழிலாளியை தாக்கிய 4 பேரை போலீசார் வலைவீசி தேடி வருகிறார்கள்.
3. கூட்டுறவு வங்கி முன் குடும்பத்துடன் வாலிபர் தர்ணா இறந்த தந்தைக்கான பணப்பலன்களை வழங்கக்கோரிக்கை
மணப்பாறை அருகே இறந்த தந்தைக்கான பணப்பலன்களை வழங்கக்கோரி கூட்டுறவு வங்கி முன் வாலிபர் ஒருவர் குடும்பத்துடன் தர்ணா போராட்டத்தில் ஈடுபட்டதால் பரபரப்பு ஏற்பட்டது.
4. புழல் சிறையில் இருந்து விடுவிக்கப்பட்டு மாயமானவர் இலங்கை கோர்ட்டில் சரண் - பரபரப்பு தகவல்கள்
புழல் சிறையில் இருந்து விடுவிக்கப்பட்டு மாயமானவர் இலங்கை கோர்ட்டில் சரண் அடைந்தார். அவர் குறித்து பரபரப்பு தகவல்கள் தெரியவந்தன.
5. தாளவாடி அருகே விநாயகர்சிலையை கரைத்து திரும்பியபோது தகராறு நடனமாடியதை தட்டிக்கேட்ட தாய்-மகன் மீது தாக்குதல்
தாளவாடி அருகே விநாயகர் சிலையை கரைத்து திரும்பியபோது நடனமாடியதை தட்டிக்கேட்ட தாய், மகனை குடிபோதையில் தாக்கிய 2 பேரை போலீசார் கைது செய்தனர்.

அதிகம் வாசிக்கப்பட்டவை