மாவட்ட செய்திகள்

பெங்களூருவில் பரப்பன அக்ரஹாரா சிறையில் போலீசார் திடீர் சோதனை + "||" + Police raid at Agrahar jail IN Bangalore in

பெங்களூருவில் பரப்பன அக்ரஹாரா சிறையில் போலீசார் திடீர் சோதனை

பெங்களூருவில் பரப்பன அக்ரஹாரா சிறையில் போலீசார் திடீர் சோதனை
பெங்களூரு பரப்பன அக்ரஹாரா சிறையில் போலீசார் திடீர் சோதனை நடத்தினார்கள். இந்த சோதனையின் போது செல்போன்கள், கஞ்சா மற்றும் ஆயுதங்கள் சிக்கின. இதனால் பரபரப்பு ஏற்பட்டுள்ளது.

பெங்களூரு, 

பெங்களூரு பரப்பனஅக்ரஹாரா சிறையில் 4 ஆயிரத்திற்கும் மேற்பட்ட கைதிகள் அடைக்கப்பட்டு உள்ளனர். நாடாளுமன்ற தேர்தல் நடைபெற உள்ள நிலையில் சிறையில் இருந்தபடியே ரவுடிகள் தங்களது கூட்டாளிகள் மூலம் அரசியல் பிரமுகர்களை மிரட்டி பணம் வசூலிப்பதாகவும், செல்போன்களை பயன்படுத்துவதாகவும் குற்றப்பிரிவு போலீசாருக்கு ஏராளமான புகார்கள் வந்தன. இதுதவிர கைதிகள் கஞ்சா உள்ளிட்ட போதைப்பொருட்களை பயன்படுத்துவதாகவும் புகார்கள் எழுந்தன.

இதையடுத்து, குற்றப்பிரிவு கூடுதல் போலீஸ் கமிஷனர் அலோக்குமார் தலைமையில் நேற்று முன்தினம் இரவு பரப்பனஅக்ரஹாரா சிறையில் போலீசார் அதிரடி சோதனை நடத்தினார்கள். இந்த சோதனையில் 6 துணை போலீஸ் கமிஷனர்கள், 15 உதவி போலீஸ் கமிஷனர்கள், 30 இன்ஸ்பெக்டர்கள் உள்பட 300-க்கும் மேற்பட்ட போலீசார் ஈடுபட்டனர்.

சிறையின் ஒவ்வொரு அறைகள், கழிவறை உள்ளிட்ட பகுதிகளில் அங்குலம், அங்குலமாக சோதனை நடத்தப்பட்டது. இரவு 7 மணியில் இருந்து 10.30 மணிவரை நடந்த சோதனையின் போது கைதிகளிடம் இருந்து 15-க்கும் மேற்பட்ட செல்போன்கள், சிம்கார்டுகள், பென் டிரைவ், பணம் மற்றும் கஞ்சா, பீடி, சிகரெட் போன்றவை சிக்கியது. அதனை போலீசார் பறிமுதல் செய்து எடுத்து சென்றனர். பரப்பனஅக்ரஹாரா சிறையில் 800-க்கும் மேற்பட்ட கழிவறைகள் உள்ளன. கழிவறைகளில் தான் கைதிகள் கஞ்சாவை பதுக்கி வைத்திருந்ததாகவும், அங்கு நடத்திய சோதனையின் போது தான் கஞ்சா, ஆயுதங்கள் கிடைத்ததாகவும் போலீஸ் அதிகாரி ஒருவர் தெரிவித்துள்ளார். இதுகுறித்து பரப்பனஅக்ரஹாரா போலீசார் வழக்குப்பதிவு செய்து விசாரித்து வருகின்றனர். சிறையில் போலீசார் நடத்திய திடீர் சோதனையில் செல்போன்கள், கஞ்சா, ஆயுதங்கள் சிக்கிய சம்பவம் பரபரப்பை ஏற்படுத்தி உள்ளது.


தொடர்புடைய செய்திகள்

1. அமெரிக்காவில் பரபரப்பு சம்பவம் : நடுவானில், விமானத்தில் சிறுமியுடன் உல்லாசம் - தொழிலதிபர் கைது
அமெரிக்காவின் நியூ ஜெர்சி மாகாணத்தை சேர்ந்த பிரபல தொழிலதிபர் ஸ்டீபன் பிராட்லே மெல் (வயது 53). தொண்டு நிறுவனம் ஒன்றை நடத்தி வரும் இவர் சொந்தமாக சில விமானங்களை வைத்துள்ளார்.
2. நாமக்கல் கலெக்டர் அலுவலகத்திற்கு மண்எண்ணெய் பாட்டிலுடன் வந்த பெண்ணால் பரபரப்பு
நாமக்கல் கலெக்டர் அலுவலகத்திற்கு நேற்று மண்எண்ணெய் பாட்டிலுடன் வந்த பெண்ணால் பரபரப்பு ஏற்பட்டது.
3. காதல் கணவர், குழந்தையை கொலை செய்தது ஏன்? கைதான மனைவி பரபரப்பு வாக்குமூலம்
ஆற்காடு அருகே பிணங்களை தோண்டி எடுத்து பரிசோதனை செய்தனர். காதலித்து திருமணம் செய்து கொண்ட கணவர், குழந்தையை கொன்றது ஏன்? என்பது பற்றி கைதான மனைவி பரபரப்பு வாக்குமூலம் அளித்துள்ளார்.
4. ரகளை செய்த 11 பேர் கைது: எதிர்ப்பு கோஷம் எழுப்பியவர்கள் குறித்து கமல்ஹாசன் பரபரப்பு பேச்சு
திருப்பரங்குன்றம் தேர்தல் பிரசார கூட்டத்தில் ரகளை செய்த 11 பேர் கைது செய்யப்பட்டனர். எதிர்ப்பு கோஷம் எழுப்பியவர்கள் குறித்து கமல்ஹாசன் பரபரப்பாக பேசினார்.
5. பறக்கும்படை நடத்திய வாகன சோதனையில் வெடிபொருட்கள் பறிமுதல்
வந்தவாசி சட்டமன்ற தொகுதிக்கு உட்பட்ட தேர்தல் பறக்கும் படையினர் தெள்ளார் ஊராட்சி ஒன்றிய அலுவலகம் அருகே வாகன சோதனை மேற்கொண்டிருந்தனர்.