மாவட்ட செய்திகள்

கோடை வெயிலுக்கு இதமாக நாகர்கோவிலில் இடி– மின்னலுடன் கொட்டித்தீர்த்த மழை + "||" + Rain in the Nagercoil with a thunderstorm in the summer heat

கோடை வெயிலுக்கு இதமாக நாகர்கோவிலில் இடி– மின்னலுடன் கொட்டித்தீர்த்த மழை

கோடை வெயிலுக்கு இதமாக நாகர்கோவிலில் இடி– மின்னலுடன் கொட்டித்தீர்த்த மழை
கோடை வெயிலுக்கு இதமாக நாகர்கோவிலில் நேற்று இடி– மின்னலுடன் மழை கொட்டித்தீர்த்தது.
நாகர்கோவில்,

குமரி மாவட்டத்தில் கடந்த சில மாதங்களாக கோடை வெயில் மக்களை கடுமையாக வாட்டி வதைக்கிறது. பகல் நேரங்களில் மக்கள் வெளியில் செல்ல முடியாத அளவுக்கு வெயில் அனலாக கொதிக்கிறது. வீடுகளில் இருப்பவர்கள் மின்விசிறி உதவியின்றி இருக்க முடியாத நிலை ஏற்பட்டுள்ளது. வெளுத்து வாங்கும் வெயிலின் வெப்பத்தால் மக்கள் இரவு, பகல் நேரங்களில் வியர்வையால் குளித்து வந்தனர். இதனால் பெரும்பாலானோர் பலமுறை குளிக்க வேண்டிய நிலையும் ஏற்பட்டது.


இதற்கிடையே இந்த வெயிலின் உஷ்ணத்தோடு, தேர்தல் பிரசாரமும் அனல் பறந்தது. வேட்பாளர்கள் கொளுத்தும் வெயிலில் வாக்கு சேகரித்தனர். நேற்று முன்தினம் வேட்பாளர்கள் பிரசாரத்தை நிறைவு செய்யும் நேரத்தில் குமரி மாவட்டம் முழுவதும் வெயில் குறைந்து வானம் கருமேகக்கூட்டங்களால் சூழப்பட்டு இருந்தது. குழித்துறை உள்ளிட்ட பல்வேறு இடங்களில் கனமழையும் பெய்தது.

இந்தநிலையில் நாகர்கோவிலில் நேற்று காலையிலும் வழக்கம்போல் வெயில் இருந்தது. மதியம் 12 மணிக்குப்பிறகு வானம் மேகங்களால் சூழப்பட்டு இருண்டு காட்சி அளித்தது. பிற்பகல் 2.30 மணி அளவில் திடீரென மழை பெய்ய தொடங்கியது. அப்போது இடி– மின்னலுடன் 45 நிமிடம் மழை கொட்டித்தீர்த்தது.

இதனால் நாகர்கோவில் கேப்ரோடு, செட்டிகுளம் ரோடு, பெண்கள் கிறிஸ்தவக் கல்லூரி ரோடு, கலெக்டர் அலுவலகம் ரோடு உள்ளிட்ட பல்வேறு சாலைகளில் மழை வெள்ளம் பெருக்கெடுத்து ஓடியது.

சில இடங்களில் சாக்கடையுடன் மழை நீரும் கலந்து ஓடியதால் கருப்பு நிறத்தில் வெள்ளம் பாய்ந்தோடியது. இதேபோல் நகரின் பல தெருக்களிலும் மழை நீர் ஆறாக ஓடியது. இந்த மழை, கோடை வெயிலில் சிக்கித் தவித்த மக்களுக்கு இதமாக இருந்தது.

நேற்று காலை 6 மணி வரையிலான 24 மணி நேரத்தில் குமரி மாவட்டத்தில் பெய்த மழை அளவு விவரம் (மி.மீ.) வருமாறு:–

பேச்சிப்பாறை– 53.2, பெருஞ்சாணி– 53.4, சிற்றார் 1– 35.4, சிற்றார் 2– 7, புத்தன் அணை– 54, பூதப்பாண்டி– 34.6, களியல்– 6.2, கன்னிமார்– 42.4, குழித்துறை– 54.2, சுருளக்கோடு– 30, தக்கலை– 1, குளச்சல்– 11.4, இரணியல்– 14.4, மாம்பழத்துறையாறு– 2, கோழிப்போர்விளை–14, அடையாமடை– 11, முள்ளங்கினாவிளை– 4, ஆனைக்கிடங்கு– 6.2 என்ற அளவில் மழை பதிவாகி இருந்தது.

தொடர்புடைய செய்திகள்

1. ஆந்திராவில் சுட்டெரிக்கும் வெயிலுக்கு 12 பேர் பலி
ஆந்திராவில் சுட்டெரிக்கும் வெயிலுக்கு 12 பேர் பலியாயினர்.
2. கஜா புயலுக்கு பல லட்சக்கணக்கான மரங்கள் முறிந்து விழுந்ததால் கடும் வெப்பத்தை எதிர்கொள்ளும் டெல்டா மாவட்டங்கள்
கஜா புயலுக்கு பல லட்சக்கணக்கான மரங்கள் முறிந்து விழுந்ததால் டெல்டா மாவட்டங்கள் கடுமையான வெப்பத்தை எதிர்கொண்டு வருகின்றன. தண்ணீர் இல்லாமல் நீர் நிலைகளும் வறண்டு காணப்படுகின்றன.
3. கோடை விடுமுறையையொட்டி கன்னியாகுமரியில் திரண்ட சுற்றுலா பயணிகள்
கோடை விடுமுறையையொட்டி கன்னியாகுமரியில் சுற்றுலா பயணிகள் திரண்டனர். திற்பரப்பு அருவியில் கூட்டம் அலைமோதியது.
4. அக்னிநட்சத்திரம் தொடக்க நாளில் வெயில் சுட்டெரித்ததால் நுங்கு, கரும்புச்சாறு வாங்குவதற்காக குவிந்த மக்கள்
அக்னி நட்சத்திரம் தொடக்க நாளில் வெயில் சுட்டெரித்ததால் நுங்கு, கரும்புச்சாறு வாங்குவதற்காக மக்கள் அதிக அளவில் குவிந்தனர். 2 நுங்கு 10 ரூபாய்க்கு விற்பனை செய்யப்பட்டது.
5. தமிழகத்தில், 19 ஆண்டுகளுக்கு பின் அதிகபட்ச வெயில் 14 இடங்களில் வெயில் 100 டிகிரியை தாண்டியது
தமிழகத்தில் 14 இடங்களில் நேற்று வெயில் 100 டிகிரியை தாண்டி அனல் காற்று வீசியதால் மக்கள் அவதிக்குள்ளாகினர். இனிவரும் நாட்களிலும் வெப்பம் அதிகரிக்கும் என வானிலை ஆய்வு மையம் தெரிவித்துள்ளது.