மாவட்ட செய்திகள்

பட்டுக்கோட்டை அருகே வறண்டு கிடக்கும் நசுவினி ஆறு அணை தூர்வார விவசாயிகள் கோரிக்கை + "||" + Drywall farmers demanding the drying of Nesuvini plant near Pattukottai

பட்டுக்கோட்டை அருகே வறண்டு கிடக்கும் நசுவினி ஆறு அணை தூர்வார விவசாயிகள் கோரிக்கை

பட்டுக்கோட்டை அருகே வறண்டு கிடக்கும் நசுவினி ஆறு அணை தூர்வார விவசாயிகள் கோரிக்கை
பட்டுக்கோட்டை அருகே நசுவினி ஆறு அணை தண்ணீர் இன்றி வறண்டு கிடக் கிறது. இந்த அணையை தூர்வாரி தண்ணீரை தேக்க நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.
பட்டுக்கோட்டை,

கடந்த ஆண்டு நவம்பர் வீசிய கஜா புயல் பட்டுக்கோட்டை, பேராவூரணி தாலுகாக்களில் பல்லாயிரக்ணக்கான தென்னை, வாழை, தேக்கு மரங்களை முற்றிலும் அழித்தது. ஆயிரக்கணக்கான வீடுகள் சேதமடைந்தன. கஜா புயலுக்கு பின் போதிய அளவு மழையும் இல்லை. தற்போது இப்பகுதியில் 100 டிகிரியை தாண்டி வெயில் சுட்டெரிக்கிறது. இதனால் மரம், செடி, கொடிகள் கருகி வருகின்றன. ஏரி, குளங்கள் முற்றிலும் வறண்டு விட்டன. ஆடு, மாடுகள் குடிக்க தண்ணீர் இல்லாமல் அலைந்து திரிகின்றன. நிலத்தடி நீர் மட்டமும் குறைந்து விட்டது. கிராமங்களில் குடிநீருக்காக பெண்கள் குடத்துடன் வெகுதூரம் அலையும் நிலை ஏற்பட்டுள்ளது. நெல்லையும், தென்னையையும் நம்பி இருந்த விவசாயிகள் எதிர்காலத்தில் என்ன செய்வது என்று தெரியாமல் நிலை தடுமாறி நிற்கின்றனர்.


வறண்ட அணை

பட்டுக்கோட்டை தாலுகா கடைமடை பகுதி பாசனத்துக்காக காட்டாறுகளில் இருந்து கடலில் கலந்து வீணாகும் நீரை தேக்க படுக்கை அணைகள் கட்டப்பட்டன. இதில் ஒன்று பட்டுக்கோட்டை அருகே வெண்டாக்கோட்டையில் நசுவினி ஆற்றின் குறுக்கே கட்டப்பட்டுள்ள அணை ஆகும். சுமார் 30 ஆண்டுகளுக்கு முன்பு கட்டப்பட்ட இந்த அணையின் இருபுறமும் வாய்க்கால்கள் வெட்டப்பட்டு பாசனத்துக்கு பயன்பட்டு வருகிறது. இந்த அணையின் இடது புற வாய்க்கால் 12 கிலோ மீட்டர் நீளம் உள்ளது. தற்போது தண்ணீர் இல்லாமல் நசுவினி ஆறு அணை வறண்டு மைதானமாக காட்சி அளிக்கிறது.

தூர்வார கோரிக்கை

இந்த அணை மூலம் 2,540 ஏக்கர் நிலம் பாசன வசதி பெற்று வருகிறது. அணையின் கிளை பகுதியான 6 கிலோ மீட்டர் நீளமுள்ள வலதுபுற வாய்க்கால் மூலம் 1,010 ஏக்கர் நிலம் சாகுபடி செய்யப்பட்டு வந்தது.

சமீபத்தில் முதல்- அமைச்சர் எடப்பாடி பழனிசாமி காவிரி வடிநில திட்டத்தின் கீழ் நிதி ஒதுக்கீடு செய்து இந்த அணையில் பராமரிப்பு பணிகள் நடைபெற்றன.

தற்போது அணை வறண்டு உள்ளதால் மதுக்கூர் ரோடு நசுவினி ஆற்றுப்பாலத்திலிருந்து இந்த அணை வரை படிந்துள்ள வண்டல் மண்ணை அகற்றி தூர் வாரி ஆழப்படுத்தி இருகரைகளையும் உயர்த்தி அதிக அளவு நீரை சேமிக்க நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.

தொடர்புடைய செய்திகள்

1. ஜப்பானில் ஹகிபிஸ் புயல் தாக்குதல்: 4 பேர் பலி; 100 பேர் காயம்
ஜப்பானில் ஹகிபிஸ் புயல் தாக்குதலுக்கு 4 பேர் பலியாகி உள்ளனர். 100 பேர் படுகாயமடைந்தனர்.
2. கஜா புயல் நிவாரணத்தை உயர்த்தி வழங்கக்கோரி விசைப்படகு மீனவர்கள் 4-வது நாளாக வேலை நிறுத்தம்
கஜா புயல் நிவாரணத்தை உயர்த்தி வழங்கக்கோரி தஞ்சை மாவட்டத்தில் விசைப்படகு மீனவர்கள் 4-வது நாளாக வேலை நிறுத்தத்தில் ஈடுபட்டனர்.
3. பள்ளிப்பட்டு அருகே சாலையில் வேருடன் சரிந்து விழுந்த ஆலமரம் 5 மணி நேரம் போக்குவரத்து பாதிப்பு
பள்ளிப்பட்டு அருகே சாலையில் வேருடன் ஆலமரம் சரிந்து விழுந்தது. இதனால் அந்த வழித்தடத்தில் 5 மணி நேரம் போக்குவரத்து பாதிக்கப்பட்டது.
4. கள்ளக்குறிச்சியில் குடிநீர் கேட்டு பொதுமக்கள் சாலை மறியல் போக்குவரத்து பாதிப்பு
கள்ளக்குறிச்சியில் குடிநீர் கேட்டு பொதுமக்கள் சாலை மறியலில் ஈடுபட்டனர். இதனால் போக்குவரத்து பாதிக்கப்பட்டது.
5. கோனேரிப்பாளையம் அருகே குடிநீர் கேட்டு கிராம மக்கள் சாலை மறியல் போக்குவரத்து பாதிப்பு
கோனேரிப்பாளையம் அருகே குடிநீர் கேட்டு கிராம மக்கள் பெரம்பலூர் புறவழிச்சாலையில் அமர்ந்து மறியல் போராட்டத்தில் ஈடுபட்டதால் போக்குவரத்து பாதிக்கப்பட்டது.