மாவட்ட செய்திகள்

பொள்ளாச்சி விவகாரத்தில் சர்ச்சையில் சிக்கியவர்: கரூர் போலீஸ் சூப்பிரண்டு பாண்டியராஜன் நியமனத்துக்கு எதிரான வழக்கு தள்ளுபடி - மதுரை ஐகோர்ட்டு உத்தரவு + "||" + Controversy over Pollachi issue: Karur Police Superintendent dismisses the case against Pandiyarajan's appointment

பொள்ளாச்சி விவகாரத்தில் சர்ச்சையில் சிக்கியவர்: கரூர் போலீஸ் சூப்பிரண்டு பாண்டியராஜன் நியமனத்துக்கு எதிரான வழக்கு தள்ளுபடி - மதுரை ஐகோர்ட்டு உத்தரவு

பொள்ளாச்சி விவகாரத்தில் சர்ச்சையில் சிக்கியவர்: கரூர் போலீஸ் சூப்பிரண்டு பாண்டியராஜன் நியமனத்துக்கு எதிரான வழக்கு தள்ளுபடி - மதுரை ஐகோர்ட்டு உத்தரவு
கரூர் போலீஸ் சூப்பிரண்டு பாண்டியராஜன் நியமனத்துக்கு எதிரான வழக்கை தள்ளுபடி செய்து மதுரை ஐகோர்ட்டு உத்தரவிட்டது.

மதுரை,

கரூரைச் சேர்ந்த ராஜேந்திரன், மதுரை ஐகோர்ட்டில் தாக்கல் செய்த மனுவில் கூறியிருந்ததாவது–

கரூர் மாவட்ட போலீஸ் சூப்பிரண்டாக இருந்த விக்ரமன், சமீபத்தில் சென்னை கணினி துறைக்கு இடமாற்றம் செய்யப்பட்டு உள்ளார். அவர் கரூர் போலீஸ் சூப்பிரண்டாக பணியாற்றியபோது கந்துவட்டி கொடுமைகளை கட்டுப்படுத்தியது, மணல் திருட்டை தடுத்தது, சட்டவிரோத புகையிலை மற்றும் போதை பொருட்கள் விற்பனையை தடுத்தது என கரூர் மாவட்டத்தில் பல்வேறு நல்ல மாற்றங்களை கொண்டு வந்தார். அவரை திடீரென இடமாற்றம் செய்தது அதிர்ச்சி அளிக்கிறது. இதற்கு பின்னால் அரசியல் தலைவர்களின் வற்புறுத்தல் இருப்பதாக கூறப்படுகிறது.

இந்தநிலையில் அவருக்கு பதிலாக பாண்டியராஜன் என்பவர் கரூர் மாவட்ட போலீஸ் சூப்பிரண்டாக நியமிக்கப்பட்டுள்ளார். இவர் பல்வேறு சர்ச்சைகளுக்கு ஆளானவர். குறிப்பாக பொள்ளாச்சி பாலியல் வழக்கு விசாரணையை முறையாக கையாளவில்லை என்ற குற்றச்சாட்டு இவர் மீது வைக்கப்பட்டது. அதுமட்டுமல்லாமல் கடந்த 2017–ம் ஆண்டு இவருக்கு கோர்ட்டு அபராதமும் விதித்துள்ளது. அதேபோல திருப்பூரில் டாஸ்மாக் கடைக்கு எதிராக அமைதியான முறையில் போராடிய பெண் ஒருவரின் கன்னத்தில் இவர் அறைந்ததால் சர்ச்சையில் சிக்கியவர்.

துணை போலீஸ் சூப்பிரண்டு ஒருவர், பல குற்றச்சாட்டுகளுடன் 13 ஆண்டுகளாக கரூர் மாவட்டத்திலேயே பணியாற்றி வருகிறார். ஆனால் நல்ல முறையில் பணியாற்றி, பல நல்ல மாற்றங்களை கொண்டு வந்த போலீஸ் சூப்பிரண்டு விக்ரமன், அரசியல் உள்ளிட்ட பல காரணங்களுக்காக இடமாற்றம் செய்யப்பட்டுள்ளார். இதனை ஏற்க இயலாது. எனவே அவரை இடமாற்றம் செய்த உத்தரவை திரும்பப்பெற உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கு நீதிபதிகள் சத்தியநாராயணன், புகழேந்தி ஆகியோர் முன்பு நேற்று விசாரணைக்கு வந்தது. முடிவில், இந்த மனுவை பொதுநல வழக்காக தாக்கல் செய்ய முடியாது என்று கூறிய நீதிபதிகள், மனுவை தள்ளுபடி செய்து உத்தரவிட்டனர்.

மேலும், 2013–ம் ஆண்டின் தமிழ்நாடு போலீஸ் சீர்திருத்தச்சட்டத்தை அமல்படுத்தியது குறித்து தமிழக டி.ஜி.பி. பிரமாணப்பத்திரம் தாக்கல் செய்யவும் நீதிபதிகள் உத்தரவிட்டனர்.


தொடர்புடைய செய்திகள்

1. 2ஜி வழக்கில் கோர்ட்டு உத்தரவுப்படி 3 பேர் மரக்கன்றுகள் நட்டனர்
2ஜி மேல்முறையீட்டு வழக்கில் உரிய காலத்தில் பதில் தாக்கல் செய்யாத 3 பேர் கோர்ட்டு உத்தரவுப்படி மரக்கன்றுகள் நட்டனர்.
2. ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி தொல்லையா? போலீஸ் சூப்பிரண்டு விசாரிக்க மதுரை ஐகோர்ட்டு உத்தரவு
ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி, சில மாணவர்கள் தொல்லை அளித்ததாக தொடரப்பட்ட வழக்கில் போலீஸ் சூப்பிரண்டு விசாரித்து அறிக்கை தாக்கல் செய்ய மதுரை ஐகோர்ட்டு உத்தர விட்டது.
3. பால்வள கூட்டுறவு சங்கத்தை ரத்து செய்யக்கோரி வழக்கு: மதுரை ஆவின் தலைவர் ஓ.ராஜாவுக்கு ஐகோர்ட்டு நோட்டீஸ்
பால்வள கூட்டுறவு சங்கத்தை ரத்து செய்யக்கோரிய வழக்கில் மதுரை ஆவின் தலைவர் ஓ.ராஜாவுக்கு நோட்டீஸ் அனுப்ப மதுரை ஐகோர்ட்டு உத்தரவிட்டது.
4. பாலியல் குற்றச்சாட்டை தீவிரமாக அணுகாமல் போலீஸ்காரருக்கு சிறிய தண்டனை வழங்கியது எந்திரத்தனமானது - மதுரை ஐகோர்ட்டு நீதிபதிகள் கடும் அதிருப்தி
பாலியல் குற்ற வழக்கில் குற்றச்சாட்டை தீவிரமாக அணுகாமல் போலீஸ்காரருக்கு சிறிய தண்டனை வழங்கியது எந்திரத்தனமானது என்று மதுரை ஐகோர்ட்டு நீதிபதிகள் கடும் அதிருப்தி தெரிவித்தனர்.
5. அறநிலையத்துறை அதிகாரி கவிதா மீதான குற்றச்சாட்டு குறித்த அறிக்கையை தாக்கல் செய்ய வேண்டும் பொன் மாணிக்கவேலுக்கு ஐகோர்ட்டு உத்தரவு
இந்து சமய அறநிலையத்துறை கூடுதல் ஆணையர் கவிதா மீதான குற்றச்சாட்டு குறித்து அறிக்கை தாக்கல் செய்யும்படி சிறப்பு அதிகாரி பொன் மாணிக்கவேலுக்கு சென்னை ஐகோர்ட்டு உத்தரவிட்டுள்ளது.