மாவட்ட செய்திகள்

குறைந்த விலைக்கு வீடு தருவதாக கூறி 350 பேரிடம் பணமோசடி செய்த கட்டுமான அதிபர் கைது + "||" + A construction magnate has been arrested for allegedly defrauding 350 people claiming to give them a low cost home

குறைந்த விலைக்கு வீடு தருவதாக கூறி 350 பேரிடம் பணமோசடி செய்த கட்டுமான அதிபர் கைது

குறைந்த விலைக்கு வீடு தருவதாக கூறி 350 பேரிடம் பணமோசடி செய்த கட்டுமான அதிபர் கைது
குறைந்த விலைக்கு வீடு தருவதாக கூறி 350 பேரிடம் பணமோசடி செய்த கட்டுமான அதிபரை போலீசார் மும்பை டோங்கிரியில் வைத்து கைது செய்தனர். தலைமறைவாக இருந்த இவர் 3 ஆண்டுகளுக்கு பிறகு சிக்கினார்.
மும்பை,

நவிமும்பை பன்வெலை சேர்ந்தவர் சச்சின் ஜெண்டே. கட்டுமான அதிபராக இருந்து வந்தார். இந்த நிலையில் அவர் பன்வெல் தாலுகா பகுதியில் புதிதாக கட்டிடம் கட்ட இருப்பதாகவும், குறைந்த விலையில் வீடு தருவதாகவும் விளம்பரம் செய்து இருந்தார்.

இதனால் அப்பகுதியை சேர்ந்த 350 பேர் அவரிடம் வீடு பெறுவதற்கு முன்பணம் கொடுத்து பதிவு செய்தனர். ஆனால் குறிப்பிட்ட நாளில் வீடு அவர்களுக்கு ஒதுக்கி தரவில்லை. இதனால் பாதிக்கப்பட்டவர்கள் அவரை சந்தித்து தங்களது பணத்தை திருப்பி கேட்டனர்.

அப்போது அவர் 187 பேருக்கு காசோலையை கொடுத்து உள்ளார். ஆனால் அந்த காசோலைகள் வங்கியில் பணம் இல்லாமல் திரும்பி வந்தது.

இதையடுத்து பாதிக்கப்பட்டவர்கள் அளித்த புகாரின் பேரில் போலீசார் வழக்குப்பதிவு செய்து விசாரணை நடத்தினர். இதில், சச்சின் ஜெண்டே வீடு தருவதாக கூறி 350 பேரிடம் ரூ.50 கோடி அளவில் மோசடி செய்தது தெரியவந்தது. மேலும் அவர் தலைமறைவானது தெரியவந்தது.

இந்தநிலையில் கடந்த 3 ஆண்டுகளாக தலைமறைவாக இருந்த அவர் மும்பை டோங்கிரி பகுதியில் பதுங்கி இருப்பதாக போலீசாருக்கு தகவல் கிடைத்தது. அதன்பேரில் போலீசார் அங்கு சென்று சச்சின் ஜெண்டேவை கைது செய்தனர்.

இதையடுத்து அவர் கோர்ட்டில் ஆஜர்படுத்தப்பட்டார். கோர்ட்டு அவரை வருகிற 19-ந்தேதி வரை போலீஸ் காவலில் வைத்து விசாரணை நடத்த உத்தரவிட்டது.

தொடர்புடைய செய்திகள்

1. அமைச்சர் மகன் வீட்டில் நகை, பணம் திருடிய 3 பேர் கைது
திண்டுக்கல்லில், அமைச்சர் மகன் வீட்டில் 50 பவுன் நகை, பணத்தை திருடிய 3 பேரை போலீசார் கைது செய்தனர்.
2. நாகர்கோவிலில் கள்ள நோட்டுகளை புழக்கத்தில் விட்ட மரக்கடை ஊழியர் கைது
நாகர்கோவிலில் கள்ள ரூபாய் நோட்டுகளை அச்சடித்து புழக்கத்தில் விட்ட மரக்கடை ஊழியரை போலீசார் கைது செய்தனர். மத்திய அரசு ஊழியர் உள்பட 2 பேரிடம் விசாரணை நடத்தப்பட்டு வருகிறது.
3. முன்விரோதம் காரணமாக ஆட்டோவை ஏற்றி டிரைவரை கொல்ல முயன்றவர் கைது
முன்விரோதம் காரணமாக ஆட்டோவை ஏற்றி டிரைவரை கொல்ல முயன்றவரை 10 கி.மீ. தூரம் விரட்டி சென்று சக ஆட்டோ டிரைவர்கள் மடக்கி பிடித்தனர்.
4. திருமணம் செய்து கொள்வதாக கூறி பெண்ணை ஏமாற்றிய வாலிபர் கைது
திருமணம் செய்து கொள்வதாக கூறி பெண்ணை ஏமாற்றிய வாலிபரை போலீசார் கைது செய்தனர்.
5. பாபநாசம் அருகே சொத்து தகராறில் தொழிலாளி அடித்துக்கொலை தாய்- அண்ணன் உள்பட 4 பேர் கைது
கபிஸ்தலம் அருகே சொத்து தகராறில் தொழிலாளி அடித்துக்கொலை செய்யப்பட்டார். இது தொடர்பாக அவரது தாய்- அண்ணன் உள்பட 4 பேரை போலீசார் கைது செய்து உள்ளனர்.