தேசிய செய்திகள்

பீகார்: 12-ம் வகுப்பு பொதுத்தேர்வில் குளறுபடி + "||" + Bihar: In Class 12th general exam Mess

பீகார்: 12-ம் வகுப்பு பொதுத்தேர்வில் குளறுபடி

பீகார்: 12-ம் வகுப்பு பொதுத்தேர்வில் குளறுபடி
பீகாரில் நடைபெற்ற 12-ம் வகுப்பு தேர்வில் மொத்த மதிப்பெண்ணைக் காட்டிலும் கூடுதல் மதிப்பெண் வழங்கப்பட்டுள்ளதால் மாணவர்கள் அதிர்ச்சி அடைந்துள்ளனர். #Bihar #GeneralExam
பீகார்,

பீகார் பள்ளி தேர்வு வாரியம் 12-ம் வகுப்புக்கான தேர்வு முடிவுகளை நேற்று வெளியிட்டது. அதில் தேர்வு எழுதிய மாணவர்கள் சிலருக்கு தாங்கள் எழுதிய தேர்வின் மொத்த மதிப்பெண்ணைக் காட்டிலும், கூடுதல் மதிப்பெண் வழங்கப்பட்டதால் மாணவர்கள் அதிர்ச்சி அடைந்துள்ளனர்.  


இந்த சம்பவம் குறித்து பீகாரில் அர்வால் மாவட்டத்தைச் சேர்ந்த  மாணவர் பீம் குமார் கூறுகையில்,  “கணித பாடத்திற்கு மொத்த மதிப்பெண் 35. ஆனால் நான் 38 மதிப்பெண் பெற்றுள்ளதாக தேர்வு முடிவுகள் வெளியாகியுள்ளது. இதில் எனக்கு ஆச்சரியம் இல்லை. காரணம் இது போன்று நீண்ட காலமாக நடந்து வருகிறது” என்று தெரிவித்தார்.

இதேபோல் கிழக்கு சாம்பரனிலிருந்து மாணவர் சந்தீப் ராஜ் கூறுகையில், ‘இயற்பியல் பாடத்திற்கு மொத்த மதிப்பெண் 35. நான் 38 மதிப்பெண் பெற்றுள்ளேன். இது எப்படி சாத்தியமாகும்’ என்று தெரிவித்தார். இதுபோல் தர்பாங்கா பகுதியைச் சேர்ந்த ராகுல்குமார் 35 மதிப்பெண்ணுக்கு எழுதிய கணித தேர்வில் அவருக்கு 40 மதிப்பெண்களை பீகார் மாநில பள்ளி தேர்வு வாரியம் வழங்கியுள்ளது.  

மேலும் தேர்வுக்கே வராத மாணவர்கள் சிலருக்கு கூட மதிப்பெண் வழங்கப்பட்டிருப்பது மாணவர்களிடையே வியப்பை ஏற்படுத்தியுள்ளது. பீகார் பள்ளி கல்வி வாரியத்தின் இந்த குளறுபடி மாணவர்கள் மற்றும் பெற்றோரிடையே கடும் அதிருப்தியை ஏற்படுத்தியுள்ளது.


தொடர்புடைய செய்திகள்

1. பீகாரில் வேன் மீது லாரி மோதி 7 பேர் சாவு
பீகாரில் வேன் மீது லாரி மோதிய விபத்தில் 7 பேர் பலியாயினர்.
2. பீகார் காப்பகத்தில் சிறுமிகள் பலாத்காரம் செய்யப்பட்ட வழக்கு டெல்லிக்கு மாற்றம்
பீகார் காப்பகத்தில் சிறுமிகள் பாலியல் பலாத்காரம் செய்யப்பட்ட வழக்கு டெல்லிக்கு மாற்றி சுப்ரீம் கோர்ட்டு உத்தரவிட்டது.
3. பீகாரில் பயங்கர விபத்து: ரெயில் கவிழ்ந்து 6 பயணிகள் பலி
பீகாரில் ரெயில் கவிழ்ந்து 6 பயணிகள் பலியாகினர்.
4. பீகார் அரசு காப்பக பயங்கரம்: சிறுமிகளை ஆபாச நடனம் ஆடவைத்து, பலாத்காரம் - சிபிஐ குற்றப்பத்திரிகை
பீகார் அரசு காப்பகத்தில் சிறுமிகளுக்கு நடந்த பயங்கரமான சம்பவம் தொடர்பாக பல்வேறு அதிர்ச்சிகரமான தகவல்கள் வெளியாகியுள்ளது.
5. பீகாரில் கும்பல் தாக்குதலில் ஒருவர் பலி, கால்நடையை திருட வந்தவர் என குற்றச்சாட்டு
பீகார் மாநிலம் அராரியா மாவட்டத்தில் கால்நடையை திருட வந்தவர் என்று 55 வயது முதியவர் அடித்துக் கொலை செய்யப்பட்டுள்ளார்.