தேசிய செய்திகள்

மாநிலங்களவையில் ‘முத்தலாக்’ மசோதா தாக்கல் செய்யப்படாது, அடுத்த பாராளுமன்ற தொடருக்கு ஒத்திவைப்பு + "||" + Triple talaq bill not tabled in Rajya Sabha, govt defers it to next session

மாநிலங்களவையில் ‘முத்தலாக்’ மசோதா தாக்கல் செய்யப்படாது, அடுத்த பாராளுமன்ற தொடருக்கு ஒத்திவைப்பு

மாநிலங்களவையில் ‘முத்தலாக்’ மசோதா தாக்கல் செய்யப்படாது, அடுத்த பாராளுமன்ற தொடருக்கு ஒத்திவைப்பு
‘முத்தலாக்’ மசோதா மாநிலங்களவையில் தாக்கல் செய்யப்படாது என தகவல் வெளியாகியுள்ளது. #TripleTalaq
புதுடெல்லி, 
 
முத்தலாக் முறைக்கு தடை விதிக்கும் ‘முஸ்லிம் பெண்கள் திருமண உரிமை பாதுகாப்பு சட்டம்’, நாடாளுமன்ற மக்களவையில் நிறைவேறி விட்டது. மாநிலங்களவையில் நிலுவையில் உள்ளது. முஸ்லிம் ஆண்களுக்கு விரோதமான அம்சங்கள் இருப்பதாக கூறி, அந்த மசோதாவுக்கு எதிர்க்கட்சிகள் எதிர்ப்பு தெரிவித்து வருகின்றன. எனவே, அவர்களின் கோரிக்கையை ஏற்றும், முஸ்லிம் ஆண்களின் அச்சத்தை போக்கும்வகையிலும், அந்த மசோதாவில் 3 திருத்தங்கள் செய்ய மத்திய மந்திரிசபை ஒப்புதல் அளித்தது.

இதுபற்றி மத்திய சட்ட மந்திரி ரவிசங்கர் பிரசாத் கூறியதாவது:– ‘முத்தலாக்’ விவகாரத்தில், குற்றம் சாட்டப்பட்ட ஆணுக்கு ஜாமீன் கிடையாது என்று முன்பு இருந்தது. தற்போது, மனைவியின் கருத்தை கேட்ட பிறகு, ஜாமீன் வழங்க மாஜிஸ்திரேட்டுக்கு அதிகாரம் அளிக்கப்படுகிறது. மனைவிக்கு இழப்பீடு வழங்க கணவர் சம்மதித்த பிறகு, மாஜிஸ்திரேட்டு ஜாமீன் வழங்கலாம். ‘முத்தலாக்’ விவகாரத்தில், சம்பந்தப்பட்ட ஆண் மீது, பக்கத்து வீட்டுக்காரர் கூட புகார் கொடுக்க முடியும் என்று முன்பு இருந்தது. 

இனிமேல், பாதிக்கப்பட்ட மனைவியோ, அவருடைய ரத்த சம்பந்த உறவினர்களோ கொடுக்கும் புகார்கள் மீது மட்டுமே வழக்கு பதியப்படும் என்று திருத்தம் செய்யப்பட்டுள்ளது. கணவன்–மனைவி இடையே சமரசம் செய்து வைக்க மாஜிஸ்திரேட்டு தனது அதிகாரத்தை பயன்படுத்தலாம் என்று மூன்றாவது திருத்தம் செய்யப்பட்டுள்ளது. அதே சமயத்தில், ‘முத்தலாக்’ முறை சட்ட விரோதமானதாக நீடிக்கும். இந்த திருத்தங்களுடன், முத்தலாக் மசோதா மாநிலங்களவையில் இன்று தாக்கல் செய்யப்பட வாய்ப்பு உள்ளது. திருத்தங்கள் செய்யப்பட்டு இருப்பதால், மசோதாவை எதிர்க்க வேண்டாம் என்று எதிர்க்கட்சிகளை கேட்டுக் கொள்கிறோம் என தெரிவித்தார்.

இப்போது மழைக்கால கூட்டத்தொடர் முடியும் நிலையில் மசோதாவை அரசு தாக்கல் செய்யாது எனவும் அடுத்த கூட்டத்தொடருக்கு ஒத்திவைத்துள்ளது எனவும் தகவல்கள் வெளியாகியுள்ளது.



தொடர்புடைய செய்திகள்

1. அதிமுக உள்ளிட்ட கட்சிகளின் அமளியால் மாநிலங்களவை நாள் முழுவதும் ஒத்திவைப்பு
அதிமுக உள்ளிட்ட கட்சிகளின் அமளியால் மாநிலங்களவை நாள் முழுவதும் ஒத்திவைக்கப்பட்டுள்ளது.
2. முத்தலாக் அவசர சட்டத்திற்கு தடைவிதிக்க கோரி தொடரப்பட்ட பொதுநல வழக்கு தள்ளுபடி
முத்தலாக் அவசர சட்டத்திற்கு தடைவிதிக்க கோரி தொடரப்பட்ட பொதுநல வழக்கை தள்ளுபடி செய்தது உச்சநீதிமன்றம்.
3. முத்தலாக்கிற்கு இந்தியாவில் இடமில்லை என்பதை மோடி உறுதிசெய்துள்ளார் - அமித்ஷா
முத்தலாக்கிற்கு இந்தியாவில் இடமில்லை என்பதை பிரதமர் மோடி உறுதிசெய்துள்ளார் என பா.ஜனதா தலைவர் அமித்ஷா கூறியுள்ளார்.
4. “முத்தலாக் மசோதா மாநிலங்களவையில் நிறைவேறும்” - பிரதமர் மோடி நம்பிக்கை
மக்களவையில் நிறைவேறிய முத்தலாக் மசோதா, மாநிலங்களவையிலும் நிறைவேறும் என்று பிரதமர் மோடி நம்பிக்கை தெரிவித்தார்.
5. ‘முத்தலாக்’ அவசர சட்டத்துக்கு தடை விதிக்க வேண்டும் ஐகோர்ட்டில் வழக்கு
முஸ்லிம் மத ஆண்களை குறிவைக்கும் முத்தலாக் அவசர சட்டத்துக்கு தடை விதிக்க கோரி மும்பை ஐகோர்ட்டில் வழக்கு தொடரப்பட்டுள்ளது.