தேசிய செய்திகள்

கா‌‌ஷ்மீர் விவகாரத்தில் காங்கிரசின் கருத்து பாகிஸ்தானுக்கு உதவுகிறது - பிரதமர் மோடி பேச்சு + "||" + Congress's opinion on Kashmir issue helps Pakistan - Says PM Modi

கா‌‌ஷ்மீர் விவகாரத்தில் காங்கிரசின் கருத்து பாகிஸ்தானுக்கு உதவுகிறது - பிரதமர் மோடி பேச்சு

கா‌‌ஷ்மீர் விவகாரத்தில் காங்கிரசின் கருத்து பாகிஸ்தானுக்கு உதவுகிறது - பிரதமர் மோடி பேச்சு
கா‌‌ஷ்மீர் விவகாரத்தில் காங்கிரஸ் தலைவர்களின் கருத்துகள், பாகிஸ்தானுக்கு உதவுகின்றன என்று பிரதமர் மோடி கூறினார்.
சண்டிகார்,

அரியானா சட்டசபை தேர்தலையொட்டி, கோகனா என்ற இடத்தில் நேற்று நடைபெற்ற பா.ஜனதா தேர்தல் பிரசார பொதுக்கூட்டத்தில் பிரதமர் மோடி கலந்து கொண்டார். கூட்டத்தில் அவர் பேசியதாவது:-

இந்திய அரசியல் சட்டம், கா‌‌ஷ்மீருக்கும் பொருந்தும்படி செய்யப்பட்டது. கா‌‌ஷ்மீர் மற்றும் லடாக்கின் வளர்ச்சிக்கு முட்டுக்கட்டையாக இருந்தவை அகற்றப்பட்டன.


ஆனால், அன்றிலிருந்து காங்கிரஸ் கட்சியும், அதைப்போன்ற பிற கட்சிகளும் வேதனையில் இருக்கின்றன. அதை குணப்படுத்துவதற்கு மருந்தே கிடையாது. தூய்மை இந்தியா, துல்லிய தாக்குதல் போன்றவற்றை பேசினாலே காங்கிரசுக்கு அந்த நோய் வந்து விடுகிறது. அதிலும், பாலகோட் என்ற பெயரை எடுத்தாலே நோய் அதிகரித்து விடுகிறது.

காங்கிரசுக்கு ஏன் இந்த வேதனை ஏற்படுகிறது என்பது நாட்டுக்கு தெரியும். இது, யார் மீதான அனுதாபம் என்றும் தெரியும். கா‌‌ஷ்மீர் பற்றிய காங்கிரஸ் தலைவர்களின் அறிக்கைகள், யாருக்கு உதவுகின்றன? அதனால் பலன் அடைவது யார்? அவை எங்கே பயன்படுத்தப்படுகின்றன? என்பதெல்லாம் உங்களுக்கு தெரியும். (பொதுமக்கள் ‘பாகிஸ்தான்’ என்று குரல் கொடுத்தனர்).

சரியான விடை. பாகிஸ்தான்தான். இப்போது, பாகிஸ்தான் விரும்புகிற கருத்தை ஏன் பேசுகிறீர்கள் என்பதற்கு காங்கிரஸ் பதில் அளிக்க வேண்டும். காங்கிரஸ் தலைவர்களின் கருத்துகளை உலக அரங்கில் இந்தியாவுக்கு எதிராக பாகிஸ்தான் பயன்படுத்திக் கொள்கிறது. தனது நிலைப்பாட்டை வலுவாக்க பார்க்கிறது. இந்திய மக்கள் விரும்புவதை சொல்வதற்கு காங்கிரஸ் துணிச்சலை வளர்த்துக்கொள்ள வேண்டும்.

என்னை குறிவைத்து எத்தனையோ பொய்களை, மோசமான வார்த்தைகளை காங்கிரஸ் கூறுகிறது. அவற்றை பாகிஸ்தான் பயன்படுத்திக் கொள்கிறது.காங்கிரசுக்கு பாகிஸ்தானுடன் அப்படி என்ன ஒரு ‘கெமிஸ்ட்ரி’? இந்த தேர்தலில் இதற்கு விடை காண வேண்டும்.

நீங்கள் மோடிக்கு எதிராக எத்தனையோ பொய்களை கூறலாம். மக்களின் ஆசீர்வாதம் இருக்கும்வரை அவை என்னை ஒன்றும் செய்யாது. ஆனால், பாரத மாதாவை மதியுங்கள். நாட்டுக்கு தீங்கு விளைவிக்கும் விவகாரங்களில் எல்லையை தாண்டாதீர்கள்.காங்கிரசுக்கு நாட்டின் ஒற்றுமை மீதோ, அம்பேத்கர் வழங்கிய அரசியல் சட்டம் மீதோ அக்கறை இல்லை. அவர்கள் மீது நீங்கள் அக்கறை காட்ட வேண்டுமா? இந்த தேர்தலில் அவர்களை திருப்பி அனுப்புங்கள். வீட்டில் ஓய்வெடுக்க சொல்லுங்கள்.இவ்வாறு பிரதமர் மோடி பேசினார்.


தொடர்புடைய செய்திகள்

1. தெலுங்கானா என்கவுண்ட்டர்: கனிமொழி, பிரேமலதா விஜயகாந்த் கருத்து
தெலுங்கானாவில் என்கவுண்ட்டர் தொடர்பாக கனிமொழி, பிரேமலதா விஜயகாந்த் கருத்து தெரிவித்துள்ளனர்.
2. அயோத்தி தீர்ப்பை கண்டித்து போராட்டம்: தமிழகத்தில் சட்டம்-ஒழுங்கை பராமரிக்க டி.ஜி.பி.க்கு தெரியும் ஐகோர்ட்டு கருத்து
‘அயோத்தி தீர்ப்பை கண்டித்து போராட்டம் நடத்த அனுமதி கேட்ட வழக்கு விசாரணையின்போது தமிழகத்தில் சட்டம்-ஒழுங்கை பராமரிக்க தமிழக டி.ஜி.பி.க்கு தெரியும்’ என்று சென்னை ஐகோர்ட்டு கருத்து கூறியுள்ளது.
3. ப.சிதம்பரத்துக்கு ஜாமீன்: காங்கிரசை கிண்டல் செய்த பா.ஜனதா
ப.சிதம்பரம் ஜாமீனில் வெளிவந்தது குறித்து பா.ஜனதா, காங்கிரசை கிண்டல் செய்துள்ளது,
4. மராட்டிய கூட்டணி அரசில் துணை முதல்-மந்திரி பதவி வேண்டும்; காங்கிரஸ் திடீர் கோரிக்கை
மராட்டிய கூட்டணி அரசில் தங்கள் கட்சிக்கு துணை முதல்-மந்திரி பதவி வேண்டும் என்று காங்கிரஸ் திடீர் கோரிக்கை வைத்து உள்ளது.
5. சாலையை சீரமைக்க கோரி காங்கிரசார் உண்ணாவிரதம்
குலசேகரம் அருகே சாலையை சீரமைக்க கோரி காங்கிரஸ் கட்சியினர் உண்ணாவிரத போராட்டம் நடத்தினர்.