தேசிய செய்திகள்

உத்தர பிரதேசத்தில் 23 ‌குழந்தைகளை பிணைக்கைதிகளாக பிடித்து வைத்திருந்த நபர் சுட்டுக் கொலை + "||" + A person who held the 23 children hostage Shot dead In Uttar Pradesh

உத்தர பிரதேசத்தில் 23 ‌குழந்தைகளை பிணைக்கைதிகளாக பிடித்து வைத்திருந்த நபர் சுட்டுக் கொலை

உத்தர பிரதேசத்தில் 23 ‌குழந்தைகளை பிணைக்கைதிகளாக பிடித்து வைத்திருந்த நபர் சுட்டுக் கொலை
உத்தரப் பிரதேசத்தில் 23 குழந்தைகளை துப்பாக்கி முனையில் பிணைக் கைதிகளாக பிடித்து வைத்திருந்த நபரை பாதுகாப்புப் படையினர் சுட்டுக் கொன்றனர்.
லக்னோ,

உத்தர பிரதேச மாநிலம் ஃபரூக்காபாத் மாவட்டத்தில் உள்ள கசாரியா கிராமத்தைச் சேர்ந்தவர் சுபாஷ் பாதம். இவர் ஒரு கொலை வழக்கில் சிறை சென்று தற்போது ஜாமீனில் வெளியே வந்துள்ளார். நேற்று தனது மகளின் பிறந்த நாளை கொண்டாடுவதற்காக கிராமத்து சிறுவர்கள் உள்ளிட்ட சிலரை வீட்டுக்கு அழைத்துள்ளார். 

அதன்படி மாலையில் பிறந்தநாள் விழாவுக்கு வந்திருந்த 15 வயதிற்குட்பட்ட 23 குழந்தைகளை துப்பாக்கி முனையில் வீட்டிலேயே சிறைபிடித்தார் பாதம். இது குறித்து காவல்துறையினருக்கு தகவல் தெரிவிக்கப்பட்டதையடுத்து, சம்பவ இடத்திற்கு விரைந்து வந்த போலீசார் அவரை சமாதானப்படுத்த முயன்றனர். 

ஆனால், காவல்துறையினரைப் பார்த்ததும், அவர்களை நோக்கி துப்பாக்கியால் கண்மூடித்தனமாக சுட்டுள்ளார் சுபாஷ் பாதம். இதில் 2 காவலர்களும், கிராமவாசி ‌ஒருவரும் படுகாயமடைந்தனர். இதனை தொடர்ந்து தேசிய பாதுகாப்புப் படையினர் அப்பகுதிக்கு வந்து சேர்ந்தனர்.

அதன் பின்னர் அவர்கள் நடத்திய துப்பாக்கிச்சூட்டில், சுபாஷ் பாதம் சுட்டுக் கொல்லப்பட்டார். இதன் மூலமாக 8 மணி நேர நீண்ட மீட்பு நடவடிக்கை முடிவுக்கு வந்ததோடு, 23 குழந்தைகளும் பத்திரமாக மீட்கப்பட்ட‌னர்.

இது குறித்து செய்தியாளர்களிடம் பேசிய போலீசார், சுபாஷ் பாதம் எந்தக் கோரிக்கையையும் முன்வைக்கவில்லை என்றும், அவர் மனநலம் பாதிக்கப்பட்டிருக்கலாம் என்றும் தெரிவித்தனர். இதனை தொடர்ந்து குழந்தைகளை பத்திரமாக மீட்ட காவல்துறைக்கு, உத்தரப்பிரதேச மாநில அரசு 10 லட்சம் ரூபாய் பரிசுத்தொகை அறிவித்துள்ளது.

தொடர்புடைய செய்திகள்

1. போராட்டக்காரர்கள் அதிர்ச்சி அடைந்துள்ளனர் ; உ.பி முதல்வர் யோகி ஆதித்யநாத் அலுவலகம் டுவிட்
உத்தர பிரதேசத்தில் போராட்டத்தில் ஈடுபட்டவர்களுக்கு எதிராக அரசு மேற்கொண்ட நடவடிக்கைகளை நியாயப்படுத்தும் வகையில் முதல் மந்திரி அலுவலகம் டுவிட் செய்துள்ளது.
2. உத்தர பிரதேசத்தில் பல்வேறு இடங்களில் இணைய சேவை முடக்கம்
குடியுரிமை திருத்த சட்டத்துக்கு எதிராக நாடு முழுவதும் போராட்டங்கள் வலுத்து வருகின்றன.
3. உ.பி.யில் போராட்டத்தின் போது பொதுச்சொத்துக்கள் சேதம் ; இழப்பீடு கோரி 130 பேருக்கு நோட்டீஸ்
உத்தர பிரதேசத்தில் போராட்டத்தின் போது வன்முறை வெடித்தது. இதில் பொதுச்சொத்துக்களும் சூறையாடப்பட்டன.
4. உத்தரபிரதேசம்; குடியுரிமை சட்ட திருத்தத்துக்கு எதிரான போராட்டத்தில் வன்முறை
உத்தரபிரதேசத்தில் குடியுரிமை சட்ட திருத்தத்துக்கு எதிரான போராட்டத்தில் வன்முறை வெடித்தது.
5. உத்தரபிரதேசத்தில் பாலியல் குற்றவாளிக்கு தூக்கு தண்டனை
உத்தரபிரதேசத்தில் 6 வயது சிறுமி கற்பழித்து கொலை செய்யப்பட்ட வழக்கில் கைதானவருக்கு விரைவு நீதிமன்றம் தூக்கு தண்டனை விதித்துள்ளது.