அமெரிக்காவில் இருந்து சீன மாணவர்கள் வெளியேற்றம்? - விரைவில் முடிவு


அமெரிக்காவில் இருந்து சீன மாணவர்கள் வெளியேற்றம்? - விரைவில் முடிவு
x
தினத்தந்தி 29 May 2020 9:30 PM GMT (Updated: 29 May 2020 9:44 PM GMT)

அமெரிக்காவில் இருந்து சீன மாணவர்கள் வெளியேற்றுவது குறித்து விரைவில் முடிவு எடுக்கப்பட உள்ளதாக தகவல் வெளியாகி உள்ளது.

வாஷிங்டன், 

கொரோனா வைரஸ் தொற்றுநோய் பரவல், வர்த்தகம், மனித உரிமைகள் மற்றும் ஹாங்காங் விவகாரம் ஆகியவற்றில் உலகின் இரு பெரும் பொருளாதார வல்லரசுகளான அமெரிக்காவுக்கும், சீனாவுக்கும் மோதல் போக்கு நிலவி வருகிறது.

இதையொட்டி விரைவில் ஒரு முக்கிய அறிவிப்பு வெளியிடுவேன் என்று அமெரிக்க ஜனாதிபதி டிரம்ப், தனது மூத்த அதிகாரிகளிடம் தெரிவித்துள்ளார்.

சீன அதிகாரிகள் மீது பயண தடை, பொருளாதார தடை விக்க அவர் பரிசீலிப்பதாக தகவல்கள் வெளியாகி உள்ளன.

அவர் நேற்று முன்தினம் நிருபர்களிடம் பேசுகையில், “கொரோனா வைரஸ் தொற்று பரவலில் நாம் மகிழ்ச்சியாக இல்லை. ஒட்டுமொத்த உலகமே பாதிப்புகளை சந்தித்து வருகிறது” என்று வேதனையுடன் குறிப்பிட்டார்.

மேலும், அமெரிக்க பல்கலைக்கழகங்களில் படித்து வருகிற ஆயிரக்கணக்கான சீன மாணவர்களை அங்கிருந்து வெளியேற்றவும், சீன அதிகாரிகளுக்கு எதிராக பொருளாதார தடைகளை விதிக்கவும் டிரம்ப் நிர்வாகம் விரைவில் முடிவு எடுத்து நடவடிக்கை எடுக்கும் என்ற எதிர்பார்ப்பு நிலவுகிறது.

Next Story