பாட்மிண்டன் பிரிவில் மலேசியாவை வீழ்த்தி முதன்முறையாக தங்கம் வென்று இந்தியா வரலாறு படைத்தது

இதில் முதலில் நடந்த கலப்பு இரட்டையர் பிரிவில் இந்தியாவின் சாத்விக் ராங்கி ரெட்டி, அஸ்வினி பொன்னப்பா ஜோடி, மலேசியாவின் பெங் சான், லியு கோ ஜோடியை 21-14, 15-21, 21-15 என வீழ்த்தியது. தொடர்ந்து நடந்த ஆண்கள் ஒற்றையர் பிரிவில் இந்தியாவின் ஸ்ரீகாந்த், மலேசியாவின் சாங் லீயை 21-17, 21-14 என வென்றார். பின் நடந்த ஆண்கள் இரட்டையர் பிரிவில் இந்தியாவின் சாத்விக் ராங்கி ரெட்டி, சந்திரசேகர் செட்டி ஜோடி, மலேசியாவின் வீ தான், செம் கோ ஜோடியிடம் 15-21, 20-22 என தோற்றது. இதன் மூலம் இந்திய அணி 2-1 என முன்னிலை வகித்தது.

தொடர்ந்து நடந்த பெண்கள் ஒற்றையர் பிரிவில், இந்தியாவின் சாய்னா நேவால், மலேசியாவின் சோனியா ஷியாவை எதிர் கொண்டார். இதில் துவக்கம் முதலே ஆதிக்கம் செலுத்திய சாய்னா 21-11, 19-21, 21-9 என்ற நேர் செட் கணக்கில் வென்றார்.

இதன் மூலம் இந்திய அணி 3-1 என மலேசிய அணியை வீழ்த்தி தங்கப்பதக்கத்தை கைப்பற்றியது. இரு போட்டிகளில் வென்று தங்கப்பதக்கத்தை உறுதி செய்துவிட்டதால், மகளிர் இரட்டையர் பிரிவு ஆட்டம் நடைபெறவில்லை.  மேலும் இந்திய பேட்மிண்டன் அணி முதல் முறையாக தங்கப்பதக்கத்தை கைப்பற்றி வரலாறு படைத்தது குறிப்பிடத்தக்கது.