சிவகார்த்திகேயனின் புதிய படம் ‘டாக்டர்’

சிவகார்த்திகேயன் நடிப்பில் இந்த வருடம் மிஸ்டர் லோக்கல், நம்ம வீட்டு பிள்ளை ஆகிய படங்கள் வந்தன. மிஸ்டர் லோக்கல் தோல்வி அடைந்தது. நம்ம வீட்டு பிள்ளைக்கு வரவேற்பு கிடைத்தது. சிவகார்த்திகேயன் தயாரித்து நடித்து வசூல் சாதனை நிகழ்த்திய கனா தெலுங்கில் கவுசல்யா கிருஷ்ணமூர்த்தி என்ற பெயரில் ரீமேக் ஆனது. அதிலும் கவுரவ தோற்றத்தில் வந்தார். அடுத்து சிவகார்த்திகேயன் சூப்பர்மேன் கதாபாத்திரம் ஏற்றுள்ள ஹீரோ படத்தின் படப்பிடிப்பை முடித்து கடந்த மாதமே திரைக்கு கொண்டு வர முயன்றனர். ஆனால் பணபிரச்சினை கோர்ட்டு வழக்கு போன்ற விவகாரங்களால் திட்டமிட்டபடி வெளியாகவில்லை. தற்போது சமரசம் ஏற்பட்டு வருகிற 20-ந்தேதி திரைக்கு கொண்டு வருவதாக அறிவித்து உள்ளனர்.