கொளத்தூர் தொகுதியில் திமுக தலைவர் மு.க.ஸ்டாலின் ஆய்வு

சென்னை,

திமுக தலைவர் மு.க.ஸ்டாலின், தனது சொந்த தொகுதியான  கொளத்தூரில் இன்று ஆய்வு மேற்கொண்டார்.  இதையடுத்து சட்டமன்ற உறுப்பினர் அலுவலகத்தில் தொகுதி மக்களுக்கு பல்வேறு நலத்திட்ட உதவிகளை வழங்கினார். 

தொடக்கப்பள்ளி மாணவர்களுக்கு கல்வி உபகரணங்கள், உயர் கல்வி மாணவர்களுக்கு கல்வி உதவித்தொகை, மடிக்கணினி உள்ளிட்டவைகளை வழங்கினார். மாற்றுத்திறனாளிகளுக்கு பிரத்யேக மிதிவண்டி, ஏழை பெண்களுக்கு தையல் இயந்திரம் ஆகியவற்றை  வழங்கினார். 

மேலும் வகுப்பறைகளுக்குச் சென்று மாணவ - மாணவிகளுக்கு புத்தகங்கள், நோட்டுகள், தண்ணீர் பாட்டில்கள் உள்ளிட்டவற்றை வழங்கினார்.