இமானுவேல் சேகரன் படத்துக்கு அ.தி.மு.க.வினர் மரியாதை

கடையநல்லூர்:

கடையநல்லூரில் தென்காசி வடக்கு மாவட்ட அ.தி.மு.க. சார்பில் சட்டமன்ற உறுப்பினர் அலுவலகத்தில் இமானுவேல் சேகரன் நினைவு தினம் அனுசரிக்கப்பட்டது. இதையொட்டி அலங்கரித்து வைக்கப்பட்டிருந்த அவரது உருவப்படத்துக்கு வடக்கு மாவட்ட அ.தி.மு.க. செயலாளர் கிருஷ்ணமுரளி என்ற குட்டியப்பா எம்.எல்.ஏ. தலைமையில் மாலை அணிவித்து மலர் தூவி மரியாதை செலுத்தப்பட்டது. நிகழ்ச்சியில் மாவட்ட துணைச் செயலாளர் பொய்கை மாரியப்பன், நகர செயலாளர் முருகன், முன்னாள் நகர செயலாளர் கிட்டு ராஜா உள்பட பலர் கலந்து கொண்டனர்.