முரசொலி மாறன் பிறந்தநாள்: முதல்-அமைச்சர் மு.க.ஸ்டாலின் மரியாதை..!

சென்னை,

முன்னாள் மத்திய மந்திரி முரசொலி மாறனின் 90-வது பிறந்தநாள் இன்று கொண்டாடப்படுவதையொட்டி மதுரை சிலைமான் பகுதியில் உள்ள அண்ணா மன்றத்தில் முரசொலி மாறன் உருவப்படத்திற்கு தி.மு.க. தலைவரும் முதல்-அமைச்சருமான மு.க.ஸ்டாலின் மலர்தூவி மரியாதை செலுத்தினார்.

அவருடன் தமிழக அமைச்சர்கள் பொன்முடி, மூர்த்தி, சாத்தூர் ராமச்சந்திரன் ஆகியோர் முரசொலி மாறன் உருவப்படத்திற்கு மரியாதை செலுத்தினர். அதனை தொடர்ந்து முதல்-அமைச்சரிடம் கோரிக்கை மனுக்களை மக்கள் அளித்தனர். அதன்பின்னர் மதுரையில் இருந்து ராமநாதபுரத்திற்கு முதல்-அமைச்சர் மு.க.ஸ்டாலின் புறப்பட்டு சென்றார்.