ஆஸ்திரேலிய ஓபன் டென்னிஸ்: முதல் சுற்றில் இந்திய வீரர் பிரஜ்னேஷ் குணேஸ்வரன் வெற்றி

மெல்போர்ன்,

ஆஸ்திரேலிய ஓபன் டென்னிஸ் போட்டியின் தகுதி சுற்று ஆட்டம் மெல்போர்னில் நேற்று தொடங்கியது. இந்த போட்டியில் ஆண்கள் ஒற்றையர் பிரிவில் முதல் சுற்று ஆட்டம் ஒன்றில் இந்திய வீரர் பிரஜ்னேஷ் குணேஸ்வரன் கொலம்பியாவின் டேனியல் எலாஹி கலானுடன் மோதினார்.

இந்த ஆட்டத்தில் பிரஜ்னேஷ் குணேஸ்வரன் 6-4, 6-4 என்ற நேர்செட்டில் டேனியல் எலாஹி கலானை தோற்கடித்தார். அடுத்த நடைபெறும் ஆட்டத்தில் குணேஸ்வரன், ஜெர்மனியின் மேக்ஸ்மிலியன் மார்டெர்ரை சந்திக்கிறார்.