மியாமி ஓபன் டென்னிஸ்; மகளிர் ஒற்றையர் பிரிவில் ரைபகினா 4-வது சுற்றுக்கு முன்னேற்றம்
ரைபகினா 4-வது சுற்று ஆட்டத்தில் மேடிசன் கீஸ் உடன் பலப்பரீட்சை நடத்த உள்ளார்.
image courtesy: AFP
மியாமி,
அமெரிக்காவின் புளோரிடா மாகாணத்தில் உள்ள மியாமி நகரில் 1000 தரவரிசை புள்ளிகளை கொண்ட மியாமி ஓபன் சர்வதேச டென்னிஸ் தொடர் நடைபெற்று வருகிறது.
இதில் மகளிர் ஒற்றையர் பிரிவில் இன்று நடைபெற்ற 3-வது சுற்று ஆட்டம் ஒன்றில் கஜகஸ்தான் முன்னணி வீராங்கனையான ரைபகினா அமெரிக்க வீராங்கனையான டெய்லர் டவுன்சென்ட் உடன் மோதினார்.
விறுவிறுப்பாக நடைபெற்ற இந்த ஆட்டத்தில் முதல் செட்டை ரைபகினா கைப்பற்றிய நிலையில், 2-வது செட்டை டெய்லர் கைப்பற்றினார். இதனால் 3-வது செட் எதிர்பார்ப்புக்குள்ளானது. இதனை ரைபகினா கைப்பற்றி வெற்றி பெற்றார். இந்த ஆட்டத்தில் ரைபகினா 6-3, 6-7 மற்றும் 6-4 என்ற செட் கணக்கில் டெய்லரை வீழ்த்தி 4-வது சுற்றுக்கு முன்னேறி உள்ளார்.
இவர் 4-வது சுற்று ஆட்டத்தில் முன்னணி வீராங்கனையான மேடிசன் கீஸ் உடன் பலப்பரீட்சை நடத்த உள்ளார்.