உக்ரைனுடன் 100 நாளை கடந்த போர் ரஷியாவின் சிறப்பு அணு ஆயுதப்படை தீவிர போர் பயிற்சி

உக்ரைனுக்கு எதிரான ரஷிய போர் 100 நாட்களை கடந்து உள்ளது. இந்த நிலையில் உக்ரைனின் கிழக்குப் பகுதி நகரங்களை கைப்பற்றும் முயற்சியில் ரஷிய படைகள் தீவிரம் காட்டி வருகின்றன.

ரஷியாவின் இந்த தீவிர தாக்குதல் வேகத்தை கட்டுப்படுத்த உலக நாடுகள் உதவவேண்டும் என்ற உக்ரைன் ஜனாதிபதி ஜெலன்ஸ்கியின் கோரிக்கையை ஏற்றுக்கொண்ட அமெரிக்க ஜனாதிபதி ஜோ பைடன், 700 மில்லியன் டாலர் மதிப்புள்ள ராக்கெட் ஏவுகணை மற்றும் வெடிமருந்துகள் அடங்கிய பாதுகாப்பு உதவி தொகுப்பை அறிவித்துள்ளார்.

ரஷியாவின் வடகிழக்கு பகுதியில் உள்ள இவானோவோ மாகாணத்தில் ரஷியாவின் சிறப்பு அணுஆயுதப் படைகள் தீவிர போர் பயிற்சில் ஈடுபட்டு வருவதாக தகவல் வெளியாகியுள்ளது.மேலும் இந்த போர் பயிற்சியில், 1000 வீரர்கள் வரை ஈடுபட்டு இருப்பதாகவும், இதில் 100 வாகனங்கள் முதல் ”யார்ஸ்” எனப்படும் கண்டம் விட்டு கண்டம் பாயும் ஏவுகணை ஆகியவை இடம்பெற்று இருப்பதாகவும் தகவல் தெரிவிக்கப்பட்டுள்ளது.