இன்றைய முக்கிய செய்திகள்.. சில வரிகளில்.. 19-01-2026
உள்ளூர் முதல் உலகம் வரை இன்று நடைபெறும் முக்கிய நிகழ்வுகளை உடனுக்கு உடன் இங்கே தெரிந்து கொள்ளலாம்.;
2026-01-19 05:53 GMT
மாமல்லன் நீர்த்தேக்கத்திற்கு முதலமைச்சர் அடிக்கல்
- சென்னையின் 6வது நீர்த்தேக்கமாக ECR நெம்மேலியில் நீர்வளத்துறை சார்பில்| ரூ.342.60 கோடியில் அமைக்கப்படவுள்ள மாமல்லன் நீர்தேக்கத்திற்கு அடிக்கல் நாட்டினார் முதலமைச்சர் மு.க.ஸ்டாலின்.
- 4,375 ஏக்கரில், 1.6 டிஎம்சி கொள்ளளவில், ஆண்டுக்கு 2.25 டிஎம்சி வெள்ள நீரை சேமிக்கும் வகையில் நீர்த்தேக்கம் அமையவுள்ளது
2026-01-19 04:58 GMT
சிபிஐ முன்பு விஜய் ஆஜர்
கரூர் கூட்ட நெரிசல் வழக்கு விசாரணைக்காக டெல்லி சிபிஐ அலுவலகத்தில் தவெக தலைவர் விஜய் ஆஜராகியுள்ளார். இன்று மாலைக்குள் அவரிடம் விசாரணையை முடிக்க சிபிஐ அதிகாரிகள் திட்டமிட்டுள்ளதாக கூறப்படுகிறது. கடந்த 12 ஆம் தேதி விஜய்யிடம் 7 மணி நேரம் சிபிஐ அதிகாரிகள் விசாரணை நடத்திய நிலையில்,இன்று இரண்டாவது முறையாக விஜய் ஆஜராகியுள்ளார்.