சீன ஓபன் பேட்மிண்டன்: அரையிறுதியில் தோல்வி கண்ட சாத்விக் - சிராக் ஜோடி

சாங்சோவ்,

சீன ஓபன் பேட்மிண்டன் போட்டி அங்குள்ள சாங்சோவ் நகரில் நடந்து வருகிறது. இதில் ஆண்கள் இரட்டையர் பிரிவில் நேற்று நடைபெற்ற அரையிறுதி ஆட்டம் ஒன்றில் இந்தியாவின் சாத்விக் - சிராக் ஜோடி, மலேசியாவின் ஆரோன் சியா - சோ வூய் யிக் ஜோடியை எதிர்கொண்டது.

தொடக்கம் முதலே விறுவிறுப்பாக நடைபெற்ற இந்த ஆட்டத்தில் ஆரோன் சியா - சோ வூய் யிக் ஜோடி 21-13, 21-17 என்ற செட் கணக்கில் இந்தியாவின் சாத்விக் - சிராக் ஜோடியை வீழ்த்தி இறுதிப்போட்டிக்கு முன்னேறியது. தோல்வி கண்ட இந்தியாவின் சாத்விக் - சிராக் ஜோடி தொடரில் இருந்து வெளியேறியது.