உலகக் கோப்பை குத்துச்சண்டை: இந்திய வீராங்கனை சாக்ஷிக்கு தங்கம்

அஸ்தானா,

உலகக் கோப்பை குத்துச்சண்டை போட்டி கஜகஸ்தான் தலைநகர் அஸ்தானாவில் நடந்து வருகிறது. இதில் நேற்று நடந்த பெண்களுக்கான 54 கிலோ எடைப்பிரிவின் இறுதி ஆட்டத்தில் இந்திய வீராங்கனை சாக்ஷி அமெரிக்காவின் யோஸ்லின் பெரேசை தோற்கடித்து தங்கப்பதக்கத்தை கைப்பற்றினார்.

48 கிலோ எடைப்பிரிவு இறுதி ஆட்டத்தில் இந்தியாவின் மீனாட்சி 2-3 என்ற கணக்கில் நாசிம் கைசைபேயிடம் (கஜகஸ்தான்) போராடி தோற்றார். இதே போல் 80 கிலோ எடைப்பிரிவில் பூஜா ராணி (இந்தியா), ஆஸ்திரேலியாவின் எசெட்டா பிளின்டிடம் பணிந்து வெள்ளிப்பதக்கத்துடன் திருப்தி கண்டார்.

ஆண்கள் 85 கிலோ எடைப்பிரிவின் இறுதி சுற்றில் இந்திய வீரர் ஜக்னூ 0-5 என்ற கணக்கில் பெக்சாத்திடம் (கஜகஸ்தான்) தோல்வியை தழுவினார்.