சீனா ஓபன் டென்னிஸ்: முதல் சுற்றில் தோல்வி கண்ட ஆண்ட்ரே ரூப்லெவ்

பீஜிங்,

சீனா ஓபன் டென்னிஸ் போட்டி அங்குள்ள பீஜிங் நகரில் நடைபெற்று வருகிறது. இந்த தொடரில் ஆண்கள் ஒற்றையர் பிரிவில் இன்று நடைபெற்ற முதல் சுற்று ஆட்டம் ஒன்றில் முன்னணி வீரரான ரஷியாவின் ஆண்ட்ரே ரூப்லெவ் - பிளேவியோ கோபோலி (இத்தாலி) உடன் மோதினார்.

இந்த மோதலில் அனுபவம் வாய்ந்த ரூப்லெவ் வெற்றி பெறுவார் என எதிர்பார்க்கப்பட்ட வேளையில், இந்த ஆட்டத்தில் அபாரமாக செயல்பட்ட பிளேவியோ கோபோலி, ரூப்லெவை வீழ்த்தினார்.

அவர் 7-6 (7-3), 6-3 என்ற செட் கணக்கில் ரூப்லெவை வீழ்த்தி அடுத்த சுற்றுக்கு முன்னேறினார். தோல்வி கண்ட ரூப்லெவ் தொடரில் இருந்து வெளியேறினார்.