கவுதம் மேனன் இயக்கத்தில் மாதவன், ரீமா சென் நடித்து 2001-ல் திரைக்கு வந்த மின்னலே படத்தை கவுதம் மேனனே இந்தியில் ரீமேக் செய்தபோது அதில் தியா மிர்சா கதாநாயகியாக நடித்து இருந்தார். தற்போது தெலுங்கில் நாகார்ஜுனாவுடன் வைல்டு டாக் என்ற படத்தில் நடித்து வருகிறார். தியா மிர்சா முதலில் ஷாகில் சங்கா என்பவரை திருமணம் செய்து கொண்டார். பின்னர் இருவருக்கும் கருத்து வேறுபாடு ஏற்பட்டு விவாகரத்து செய்து பிரிந்தனர். தற்போது 40 வயதாகும் தியா மிர்சா மும்பையை சேர்ந்த தொழில் அதிபர் வைபவ் ரேஹி என்பவரை காதலித்தார். இந்த நிலையில் வைபவ் ரேஹியை தியா மிர்சா 2-வது திருமணம் செய்து கொண்டார். இவர்கள் திருமணம் மும்பையில் உள்ள நட்சத்திர ஓட்டலில் நடந்தது. கொரோனா விதிமுறைகளால் நெருங்கிய உறவினர்கள் மட்டுமே திருமணத்தில் கலந்து கொண்டனர்.