மாவட்ட செய்திகள்

சீர்காழி அருகே கொடிக்கம்பம் சேதம்: விடுதலை சிறுத்தைகள் கட்சியினர் சாலை மறியல் + "||" + Kodikkumpam Damage near Sirkazhi: Liberation Party

சீர்காழி அருகே கொடிக்கம்பம் சேதம்: விடுதலை சிறுத்தைகள் கட்சியினர் சாலை மறியல்

சீர்காழி அருகே கொடிக்கம்பம் சேதம்: விடுதலை சிறுத்தைகள் கட்சியினர் சாலை மறியல்
சீர்காழி அருகே கொடிக்கம்பத்தை சேதப்படுத்தியதை கண்டித்து விடுதலை சிறுத்தைகள் கட்சியினர் சாலை மறியல் போராட்டத்தில் ஈடுபட்டனர்.
சீர்காழி,

சீர்காழி அருகே சட்டநாதபுரம் பஸ் நிறுத்தம் அருகே விடுதலை சிறுத்தைகள் கட்சி உள்ளிட்ட கட்சிகளின் 10-க்கும் மேற்பட்ட கொடிக்கம்பங்கள் உள்ளன. இந்த நிலையில் நேற்று முன்தினம் இரவு மர்ம நபர்கள் விடுதலை சிறுத்தைகள் கட்சியின் கொடிக்கம்பத்தை சேதப்படுத்தி உள்ளனர்.


இதுகுறித்து தகவல் அறிந்த கட்சியின் மாவட்ட செய்தி தொடர்பாளர் தேவா தலைமையில் நிர்வாகிகள் ஆடலரசு, ஜீவா, தீபன்ராஜ், ராமமூர்த்தி உள்பட கட்சியினர் ஏராளமானோர் சம்பவ இடத்திற்கு சென்று சேதமடைந்த கொடிக்கம்பத்தை பார்வையிட்டனர்.

பின்னர் கட்சியினர், கொடிக்கம்பத்தை சேதப்படுத்தியதை கண்டித்து சட்டநாதபுரம் மெயின்ரோட்டில் சாலை மறியல் போராட்டத்தில் ஈடுபட்டனர். அப்போது 3-வது முறையாக சட்டநாதபுரத்தில் உள்ள கட்சி கொடிக்கம்பத்தை சேதப்படுத்தியதை கண்டித்தும், சேதப்படுத்தியவர்கள் மீது கடும் நடவடிக்கை எடுக்க வேண்டும். விடுதலை சிறுத்தைகள் கட்சி கொக்கம்பத்திற்கு பாதுகாப்பு வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர்.

தகவல் அறிந்த சீர்காழி போலீஸ் இன்ஸ்பெக்டர் சிங்காரவேல் மற்றும் போலீசார் அங்கு விரைந்து சென்று போராட்டத்தில் ஈடுபட்டவர்களிடம் பேச்சுவார்த்தை நடத்தினர். இதனை தொடர்ந்து சாலை மறியலில் ஈடுபட்டவர்கள் அங்கிருந்து கலைந்து சென்றனர். இந்த சாலை மறியல் போராட்டத்தால் சிதம்பரம்-மயிலாடுதுறை சாலையில் சிறிது நேரம் போக்குவரத்து பாதிக்கப்பட்டது.


தொடர்புடைய செய்திகள்

1. குடியிருப்பு பகுதிகளுக்கு நடுவே செல்போன் கோபுரம் அமைக்க எதிர்ப்பு; பொதுமக்கள் சாலை மறியல்
ஜெயங்கொண்டம் அருகே குடியிருப்பு பகுதிகளுக்கு நடுவே செல்போன் கோபுரம் அமைப்பதற்கு எதிர்ப்பு தெரிவித்து பொதுமக்கள் சாலை மறியலில் ஈடுபட்டதால் 2 மணி நேரம் போக்குவரத்து பாதிக்கப்பட்டது.
2. புள்ளம்பாடியில் ரெயில்வே கேட் மூடப்பட்டதால் விவசாயிகள் மறியல்
புள்ளம்பாடியில் முள்ளால் சாலையில் உள்ள ரெயில்வே கேட் மூடப்பட்டதால் விவசாயிகள் மறியலில் ஈடுபட்டனர்.
3. காரை அரசு மருத்துவமனை 24 மணி நேரமும் செயல்பட கோரி பொதுமக்கள் சாலை மறியல்
காரை அரசு மருத்துவமனை பகல், இரவு என முன்பு செயல்பட்டது போல் 24 மணி நேரமும் செயல்பட வேண்டும் என வலியுறுத்தி ஆலத்தூர் கேட் அரியலூர் சாலையில் மறியலில் ஈடுபட்டனர்.
4. நீக்கம் செய்யப்பட்ட மாணவரை மீண்டும் சேர்க்க வலியுறுத்தி அரசு கல்லூரி மாணவ-மாணவிகள் சாலை மறியல்
திருவாரூர் திரு.வி.க. அரசு கல்லூரியில் இருந்து நீக்கப்பட்ட மாணவர் மாரிமுத்துவை மீண்டும் சேர்க்க வலியுறுத்தி மாணவ-மாணவிகள் சாலை மறியல் போராட்டத்தில் ஈடுபட்டனர். இதனால் 1 மணி நேரம் போக்குவரத்து பாதிக்கப்பட்டது.
5. பெட்ரோல், டீசல் விலை உயர்வை கண்டித்து நூதன முறையில் சாலை மறியல்; 5 பேர் கைது
கீழப்பழுவூர் மானா மதுரை தேசிய நெடுஞ்சாலையில் லாரியை, இருசக்கர வாகனத்தின் மூலம் கயிறு கட்டி இழுத்து நூதன முறையில் சாலை மறியலில் ஈடுபட்டனர்.