மாவட்ட செய்திகள்

கேரளாவுக்கு கன்டெய்னர் லாரியில் ரூ.27½ லட்சம் எரிசாராயம் கடத்தல் டிரைவர் உள்பட 2 பேர் கைது + "||" + Two arrested in connection with the container lorry for Rs.27½ lakh

கேரளாவுக்கு கன்டெய்னர் லாரியில் ரூ.27½ லட்சம் எரிசாராயம் கடத்தல் டிரைவர் உள்பட 2 பேர் கைது

கேரளாவுக்கு கன்டெய்னர் லாரியில் ரூ.27½ லட்சம் எரிசாராயம் கடத்தல் டிரைவர் உள்பட 2 பேர் கைது
நாமக்கல் அருகே கேரளாவுக்கு கடத்தப்பட்ட ரூ.27½ லட்சம் மதிப்பிலான எரிசாராயம் கன்டெய்னர் லாரியுடன் பறிமுதல் செய்யப்பட்டது. இதுதொடர்பாக லாரி டிரைவர் உள்பட 2 பேரை மதுவிலக்கு போலீசார் கைது செய்து விசாரணை நடத்தி வருகின்றனர்.
நாமக்கல்,

வட இந்தியாவில் இருந்து தமிழகம் வழியாக கேரளாவிற்கு எரிசாராயம் கடத்தி செல்வதாக சென்னை மதுவிலக்கு அமலாக்கப்பிரிவு கூடுதல் காவல்துறை இயக்குனர் ராஜேஷ்தாஸூக்கு ரகசிய தகவல் கிடைத்தது. இதையடுத்து அவரது உத்தரவின் பேரில் சேலம் மண்டல மதுவிலக்கு அமலாக்கப்பிரிவு போலீஸ் சூப்பிரண்டு ஸ்டாலின் மற்றும் நாமக்கல் மாவட்ட போலீஸ் சூப்பிரண்டு அருளரசு ஆகியோர் அறிவுரையின்படி நாமக்கல் மாவட்ட மதுவிலக்கு அமலாக்கப்பிரிவு கூடுதல் போலீஸ் சூப்பிரண்டு செந்தில் தலைமையில் திருச்சி மத்திய குற்ற புலனாய்வு பிரிவு இன்ஸ்பெக்டர் ராஜசேகரன், நாமக்கல் மதுவிலக்கு அமலாக்கப்பிரிவு இன்ஸ்பெக்டர் சுபாஷ் மற்றும் போலீசார் அடங்கிய தனிப்படையினர் நேற்று காலை 6 மணி அளவில் சேலம்-கரூர் தேசிய நெடுஞ்சாலையில் நாமக்கல் அருகே புதுச்சத்திரத்தில் உள்ள பெட்ரோல் விற்பனை நிலையம் அருகில் வாகன சோதனையில் ஈடுபட்டனர்.


அப்போது சேலத்தில் இருந்து நாமக்கல் நோக்கி வந்த மராட்டிய மாநில பதிவெண் கொண்ட கன்டெய்னர் லாரியை நிறுத்தி சோதனை செய்தனர். இந்த சோதனையின் போது அந்த லாரியில் ரூ.27½ லட்சம் மதிப்பிலான 35 லிட்டர் கொள்ளளவு கொண்ட 550 கேன்களில் 19 ஆயிரத்து 250 லிட்டர் எரிசாராயத்தை மறைத்து கடத்தி வந்தது தெரியவந்தது.

இதையடுத்து லாரியை ஓட்டி வந்த திருவள்ளூர் மாவட்டம், திருவொற்றியூர் மாணிக்கம்நகர் பகுதியை சேர்ந்த டிரைவர் கமலக்கண்ணன் (வயது 49) மற்றும் ஆந்திர மாநிலம் சித்தூர் கோவிந்தரெட்டிபள்ளி பகுதியை சேர்ந்த சிவய்யா (30) ஆகிய 2 பேரை பிடித்து தனிப்படை போலீசார் விசாரணை நடத்தினர்.

விசாரணையின் போது அவர்கள் அரியானா மாநிலத்தில் இருந்து பாலாஜி கெமிக்கல்ஸ் என்ற நிறுவனத்தின் பெயரிலும், திரவ குளோரின் என்ற பெயரிலும் கேரள மாநிலம் திருவனந்தபுரத்திற்கு நாமக்கல் வழியாக எரிசாராயம் கடத்தியது தெரியவந்தது. இதை தொடர்ந்து எரிசாராயம் கடத்தி வந்த கமலக்கண்ணன் மற்றும் சிவய்யா ஆகிய இருவரையும் போலீசார் கைது செய்தனர்.

மேலும் கடத்தலுக்கு பயன்படுத்தப்பட்ட கன்டெய்னர் லாரி மற்றும் எரிசாராயம் பறிமுதல் செய்யப்பட்டன. கைப்பற்றப்பட்ட லாரி மற்றும் எரிசாராயத்தின் மொத்த மதிப்பு ரூ.40 லட்சம் என போலீசார் தெரிவித்தனர். இச்சம்பவம் குறித்து நாமக்கல் மதுவிலக்கு போலீசார் வழக்குப்பதிவு செய்து விசாரணை மேற்கொண்டு வருகிறனர்.

இந்த எரிசாராயம் கடத்தலில் தொடர்புடைய சென்னையை சேர்ந்த 2 முக்கிய நபர்களை பிடிக்க தனிப்படை அமைக்கப்பட்டு உள்ளது. எரிசாராயத்துடன் வாகனத்தை பறிமுதல் செய்து, 2 பேரை கைது செய்த மதுவிலக்கு அமலாக்கப்பிரிவு போலீசாரை நாமக்கல் மாவட்ட போலீஸ் சூப்பிரண்டு அருளரசு மற்றும் சேலம் மண்டல மதுவிலக்கு அமலாக்கப்பிரிவு போலீஸ் சூப்பிரண்டு ஸ்டாலின் ஆகியோர் பாராட்டினர்.

தொடர்புடைய செய்திகள்

1. உணவு தரக்கட்டுப்பாட்டு அதிகாரி என கூறி ஓட்டலில் ரூ.3 ஆயிரம்பறிப்பு முன்னாள் ஊர்க்காவல் படை வீரர் உள்பட 2 பேர் கைது
உணவு தரக்கட்டுப்பாட்டு அதிகாரி என கூறி ஓட்டலில் ரூ.3 ஆயிரத்தை பறித்து சென்ற முன்னாள் ஊர்க்காவல் படை வீரர் உள்பட 2 பேரை போலீசார் கைது செய்தனர்.
2. அரவக்குறிச்சி அருகே மதுபோதையில், செல்போன் டவரில் ஏறி தற்கொலை மிரட்டல் விடுத்த தொழிலாளி கைது
அரவக்குறிச்சி அருகே மதுபோதையில் செல்போன் டவரில் ஏறி தற்கொலை மிரட்டல் விடுத்த தொழிலாளியை போலீசார் கைது செய்து விசாரணை நடத்தி வருகின்றனர்.
3. விபத்தை ஏற்படுத்திய வாலிபரை கொடூரமாக தாக்கி கொன்ற 5 பேர் கைது
துறையூர் அருகே விபத்தை ஏற்படுத்திய வாலிபரை கொடூரமாக தாக்கி கொன்ற 5 பேரை போலீசார் கைது செய்தனர். சமாதான பேச்சுவார்த்தைக்கு பின்னர் இந்த சம்பவம் நடைபெற்றுள்ளது.
4. கமுதி அருகே இளம்பெண்ணை கொன்றுவிட்டு காதலன் கொன்றதாக நாடகமாடிய உறவினர்கள்; அரசு நிவாரணமாக ரூ.4 லட்சத்தை பெற்று மோசடி செய்ததும் அம்பலம்
இளம்பெண்ணை அவருடைய உறவினர்களே கொடூரமாக கொன்றுவிட்டு, அவருடைய கள்ளக்காதலன் கொன்றதாக திசை திருப்பிய 6 பேர் கைது செய்யப்பட்டனர். மேலும் வன்கொடுமை சட்டத்தில் வழக்குப்பதிய வைத்து அரசு நிவாரணமாக ரூ.4 லட்சத்தை மோசடியாக பெற்றதும் தற்போது அம்பலமாகி உள்ளது.
5. மாட்டு இறைச்சியை கொண்டு சென்ற பெண் உள்பட 3 பேர் மீது தாக்குதல்: 5 பேர் கைது
மத்திய பிரதேச மாநிலத்தில் மாட்டு இறைச்சி கொண்டு சென்ற பெண் உள்பட 3 பேரை தாக்கும் வீடியோ காட்சி சமூக வலைத்தளத்தில் ‘வைரல்’ ஆனது.