மாவட்ட செய்திகள்

உயர் மின்கோபுர திட்டத்துக்கு எதிர்ப்பு தெரிவித்து வாக்காளர் அடையாள அட்டைகளை மனு பெட்டியில் போட்ட விவசாயிகள் ஈரோடு கலெக்டர் அலுவலகத்தில் பரபரப்பு + "||" + Resistance to the high-mingled prototype Voter ID cards Farmers put in the petition Erode Collector office

உயர் மின்கோபுர திட்டத்துக்கு எதிர்ப்பு தெரிவித்து வாக்காளர் அடையாள அட்டைகளை மனு பெட்டியில் போட்ட விவசாயிகள் ஈரோடு கலெக்டர் அலுவலகத்தில் பரபரப்பு

உயர் மின்கோபுர திட்டத்துக்கு எதிர்ப்பு தெரிவித்து வாக்காளர் அடையாள அட்டைகளை மனு பெட்டியில் போட்ட விவசாயிகள் ஈரோடு கலெக்டர் அலுவலகத்தில் பரபரப்பு
உயர் மின்கோபுர திட்டத்துக்கு எதிர்ப்பு தெரிவித்து வாக்காளர் அடையாள அட்டைகளை மனு போடும் பெட்டியில் விவசாயிகள் போட்டதால் ஈரோடு கலெக்டர் அலுவலகத்தில் பரபரப்பு ஏற்பட்டது.

ஈரோடு,

தமிழ்நாடு மின் தொடரமைப்பு கழகம் மற்றும் பவர் கிரிட் நிறுவனம் ஆகியவை மூலம் உயர் மின்கோபுரங்கள் அமைக்கும் பணிகள் நடந்து வருகின்றன. திருவண்ணாமலை, ஈரோடு, நாமக்கல், திருப்பூர் உள்ளிட்ட 13 மாவட்டங்கள் வழியாக இந்த உயர் மின்கோபுரங்கள் அமைக்கப்படுகின்றன. இந்த திட்டத்தால் விவசாய நிலங்களும், விவசாயிகளும் பாதிக்கப்படுவதாக கூறி உயர் மின் கோபுரங்களுக்கு எதிரான விவசாய சங்கங்களின் கூட்டு இயக்கம் பல்வேறு கட்ட போராட்டங்களை நடத்தி வருகிறது.

இந்த நிலையில் ஈரோடு மாவட்டத்தில் உயர் மின்கோபுரங்களால் பாதிக்கப்பட்டு உள்ள விவசாயிகள் சார்பில் ஆண், பெண் விவசாயிகள் சிலர் ஈரோடு கலெக்டர் அலுவலகத்துக்கு வந்தனர். உயர் மின் கோபுரங்களுக்கு எதிரான விவசாய சங்கங்களின் கூட்டு இயக்க ஒருங்கிணைப்பாளர்கள் எஸ்.பொன்னுசாமி, வி.பி.குணசேகரன் ஆகியோர் தலைமையில் வந்த விவசாயிகள் உயர் மின்கோபுர திட்டத்துக்கு எதிர்ப்பு தெரிவித்து தங்கள் வாக்காளர் அடையாள அட்டைகளை திரும்ப வழங்க உள்ளதாக தெரிவித்தனர். இதனால் அங்கு பரபரப்பு ஏற்பட்டது.

இதுதொடர்பாக அவர்கள் கலெக்டருக்கு வழங்க கொண்டு வந்த மனுவில் கூறப்பட்டு இருந்ததாவது:–

சென்னை ஐகோர்ட்டு தீர்ப்புக்கு விரோதமாக விளைநிலங்களில் உயர்மின் கோபுரங்கள் அமைக்கும் திட்டத்தை கைவிட வேண்டும். பொய் வழக்கு போடப்பட்டு கோவை மத்திய சிறையில் அடைக்கப்பட்டுள்ள வக்கீல் ஈசன் உள்ளிட்ட விவசாய சங்கத்தலைவர்கள் மற்றும் விவசாயிகள் 12 பேரை உடனே விடுதலை செய்ய வேண்டும். முதலியாக்கவுண்டன் வலசு, எழுமாத்தூர், முத்தாயிபாளையம் உள்ளிட்ட பகுதிகளை சேர்ந்த விவசாயிகள் மீது போடப்பட்டுள்ள பொய் வழக்குகளை வாபஸ் பெற வேண்டும். தேர்தல் முடியும் வரை உயர் மின்கோபுரங்கள் அமைக்கும் பணிகளை நிறுத்தி வைக்கவேண்டும்.

மேற்கண்ட கோரிக்கைகள் அந்த மனுவில் கூறப்பட்டு இருந்தது. தற்போது தேர்தல் நடத்தை விதிமுறைகள் நடைமுறையில் இருப்பதால் அவர்கள் கலெக்டர் உள்பட உயர் அதிகாரிகளிடம் கோரிக்கை மனுவை வழங்க முடியவில்லை. எனவே அவர்கள் மக்கள் குறைதீர்க்கும் நாளின்போது பொதுமக்கள் கோரிக்கை மனுக்கள் போடும் பெட்டியில் கோரிக்கை மனு மற்றும் தங்களின் வாக்காளர் அடையாள அட்டைகளை போட்டனர். 6 பெண்கள் உள்பட 16 பேர் தங்கள் வாக்காளர் அடையாள அட்டைகளை மனுபோடும் பெட்டியில் போட்டனர்.


தொடர்புடைய செய்திகள்

1. திருச்சி நாடாளுமன்ற தொகுதியில் 5,457 தபால் ஓட்டுகள் பதிவு கலெக்டர் சிவராசு தகவல்
திருச்சி நாடாளுமன்ற தொகுதியில் 5,457 தபால் ஓட்டுகள் பதிவு செய்யப்பட்டுள்ளதாக கலெக்டர் சிவராசு தெரிவித்தார்.
2. சாலைகளில் உள்ள ஆக்கிரமிப்புகளை அகற்ற வேண்டும்- கலெக்டர் அருண் உத்தரவு
சாலைகளில் உள்ள ஆக்கிரமிப்புகளை அகற்ற வேண்டும் என்று கலெக்டர் அருண் உத்தரவிட்டார்.
3. சமூக வலைதளங்களில் தவறான குறுஞ்செய்திகளை பகிர்ந்தால் கடும் நடவடிக்கை கலெக்டர்–போலீஸ் சூப்பிரண்டு எச்சரிக்கை
சமூக வலைதளங்களில் தவறான குறுஞ் செய்திகளை பகிர்பவர்கள் மீதும் அதன் குழு தலைவர்கள் மீதும் கடுமையான நடவடிக்கை எடுக்கப்படும் என்று சிவகங்கை மாவட்ட கலெக்டர் மற்றும் மாவட்ட போலீஸ் சூப்பிரண்டு ஆகியோர் எச்சரிக்கை விடுத்துள்ளனர்.
4. சித்தோட்டில் வாக்கு எண்ணும் மையங்களில் உள்ள பாதுகாப்பு ஏற்பாடுகள் குறித்து கலெக்டர் ஆய்வு
சித்தோட்டில் வாக்கு எண்ணும் மையங்களில் உள்ள பாதுகாப்பு ஏற்பாடுகள் குறித்து கலெக்டர் சி.கதிரவன் ஆய்வு செய்தார்.
5. நெட்டப்பாக்கத்தில் சிகிச்சைக்கு வந்த ஆண் குழந்தை திடீர் சாவு; ஆம்புலன்ஸ் டிரைவர், ஊழியர்கள் மீது உறவினர்கள் புகார் - மறியல்
நெட்டப்பாக்கம் அரசு ஆரம்ப சுகாதார நிலையத்தில் சிகிச்சைக்கு கொண்டுவரப்பட்ட 2 வயது ஆண் குழந்தை திடீரென இறந்தது. ஆம்புலன்ஸ் டிரைவர், ஊழியர்களின் அலட்சியம்தான் இதற்கு காரணம் என புகார் தெரிவித்து உறவினர்கள் மறியலில் ஈடுபட்டனர்.