மாவட்ட செய்திகள்

நாகர்கோவிலில் அரசியல் கட்சி கொடி கம்ப பீடங்கள் இடித்து அகற்றம் + "||" + The political party flag in Nagercoil was demolished by the pedestals

நாகர்கோவிலில் அரசியல் கட்சி கொடி கம்ப பீடங்கள் இடித்து அகற்றம்

நாகர்கோவிலில் அரசியல் கட்சி கொடி கம்ப பீடங்கள் இடித்து அகற்றம்
நாகர்கோவிலில் அரசியல் கட்சி கொடி கம்ப பீடங்கள் இடித்து அகற்றப்பட்டன.
நாகர்கோவில்,

நாடாளுமன்ற தேர்தல் நடத்தை விதிகள் அமலுக்கு வந்ததைத் தொடர்ந்து அரசியல் கட்சிகளின் கொடி கம்பங்களை அகற்றவோ அல்லது மறைக்கவோ வேண்டும் என்று கலெக்டர் பிரசாந்த் வடநேரே உத்தரவிட்டார். அதன்பேரில் கொடி கம்பங்களை அரசியல் கட்சியினர் மூடி வைத்தனர்.


இந்த நிலையில் அரசியல் கட்சிகள் மற்றும் அமைப்புகள் சார்பில் அனுமதி இல்லாமல் பொது இடங்கள் மற்றும் சாலை ஓரங்களில் பொதுமக்களுக்கு இடையூறாக வைக்கப்பட்டுள்ள கொடி கம்பங்களை அகற்ற ஐகோர்ட்டு உத்தரவிட்டு உள்ளது. மேலும் இந்த உத்தரவை உடனடியாக செயல்படுத்தி அதற்கான நிலவர அறிக்கையை வருகிற 25-ந் தேதிக்குள் ஐகோர்ட்டில் தாக்கல் செய்யவும் உத்தரவு பிறப்பிக்கப்பட்டு இருக்கிறது.

எனவே குமரி மாவட்டத்தில் நாகர்கோவில் மாநகராட்சி, 3 நகராட்சிகள், 55 பேரூராட்சிகள், 95 கிராம ஊராட்சிகளில் தேர்தல் தொடர்பாக ஏற்கனவே மூடி வைக்கப்பட்டு உள்ள கொடி கம்பங்கள், கொடி கம்ப பீடங்கள் மற்றும் அனுமதியின்றி பொது இடங்களிலும், சாலை ஓரங்களிலும் வைக்கப்பட்டுள்ள அனைத்து கொடி கம்பங்கள் மற்றும் கொடி கம்ப பீடங்களை உடனடியாக அகற்றி 23-ந் தேதிக்குள் (அதாவது நாளை) அறிக்கை சமர்ப்பிக்க வேண்டும் என்று கலெக்டர் பிரசாந்த் வடநேரே கூறினார்.

அதன்படி குமரி மாவட்டம் முழுவதும் நேற்று கொடி கம்பங்கள் மற்றும் கொடி கம்ப பீடங்களை சம்பந்தப்பட்ட அதிகாரிகள் ஆய்வு செய்து அகற்றி வருகிறார்கள். நாகர்கோவிலை பொறுத்த வரையில் சவேரியார் ஆலய சந்திப்பு, கோட்டார், பீச்ரோடு, செட்டிகுளம், வடசேரி, ஒழுகினசேரி உள்பட பல்வேறு இடங்களில் வைக்கப்பட்டு இருந்த கொடி கம்பங்களை மாநகராட்சி நிர்வாகிகள் நேற்று அகற்றினர். கொடி கம்ப பீடங்களும் இடித்து அகற்றப்பட்டன.

தொடர்புடைய செய்திகள்

1. பதற்றமான வாக்குச்சாவடிகளில் துணை ராணுவம் பாதுகாப்பு; வாக்குப்பதிவை முன்னிட்டு புதுச்சேரியில் 144 தடை, உடனடியாக அமலுக்கு வந்தது
புதுவையில் வாக்குப்பதிவினை அமைதியாக நடத்தும் வகையில் 144 தடை உத்தரவு பிறப்பிக்கப்பட்டுள்ளது. உடனே இது அமலுக்கு வந்துள்ளது. பதற்றமான வாக்குச்சாவடிகளில் துணை ராணுவத்தினரின் பாதுகாப்பு போடப்பட்டுள்ளது.
2. பேராசிரியை நிர்மலாதேவி 22–ந்தேதி ஆஜராக வேண்டும் -மதுரை ஐகோர்ட்டு நீதிபதிகள் உத்தரவு
பேராசிரியை நிர்மலாதேவி வருகிற 22–ந் தேதி ஆஜராக வேண்டும் என்று மதுரை ஐகோர்ட்டு நீதிபதிகள் உத்தரவிட்டனர்.
3. அரசியல் கட்சியினர் இன்று மாலைக்குள் தேர்தல் பிரசாரங்களை முடித்துக்கொள்ள வேண்டும் - கலெக்டர் உத்தரவு
அரசியல் கட்சியினர் இன்று மாலைக்குள் தேர்தல் பிரசாரங்களை முடித்துக்கொள்ள வேண்டும் என்று கலெக்டர் சி.கதிரவன் உத்தரவிட்டுள்ளார்.
4. வாக்குச்சாவடி மையங்களில் அடிப்படை வசதிகளை உறுதிப்படுத்த வேண்டும் தேர்தல் அதிகாரி உத்தரவு
வாக்குச்சாவடி மையங்களில் வாக்காளர்கள் சிரமமின்றி வாக்களிக்கத் தேவையான அனைத்து அடிப்படை வசதிகளும் மேற்கொள்ளப்பட்டுள்ளதா? என்பதை ஆய்வு செய்து உறுதிப்படுத்திட வேண்டும் என சம்பந்தப்பட்ட துறை அலுவலர்களுக்கு தேர்தல் அதிகாரி அன்பழகன் உத்தரவிட்டுள்ளார்.
5. ரவுடி கொலை வழக்கில் கைதான 6 பேருக்கு 6 மாதம் சிறை ஈரோடு ஆர்.டி.ஓ. உத்தரவு
ரவுடி கொலை வழக்கில் கைதான 6 பேருக்கு 6 மாதம் சிறை தண்டனை விதித்து ஈரோடு ஆர்.டி.ஓ. முருகேசன் உத்தரவிட்டார்.