மாவட்ட செய்திகள்

24 மணிநேர குடிநீர் வினியோக திட்டதுக்கு குடிநீர் குழாய்களை மீண்டும் பயன்படுத்த முடியுமா? நவீன தொழில்நுட்பத்தில் பரிசோதனை + "||" + Can the drinking water pipes be reused for a 24-hour drinking water supply scheme? In modern technology Inspection

24 மணிநேர குடிநீர் வினியோக திட்டதுக்கு குடிநீர் குழாய்களை மீண்டும் பயன்படுத்த முடியுமா? நவீன தொழில்நுட்பத்தில் பரிசோதனை

24 மணிநேர குடிநீர் வினியோக திட்டதுக்கு குடிநீர் குழாய்களை மீண்டும் பயன்படுத்த முடியுமா? நவீன தொழில்நுட்பத்தில் பரிசோதனை
கோவை நகரில் 24 மணிநேர குடிநீர் வினியோக திட்டத்துக்கு ஏற்கனவே பதிக்கப்பட்டுள்ள குடிநீர் குழாய்களை மீண்டும் பயன்படுத்த முடியுமா? என்பது குறித்து பிரான்ஸ் நாட்டு நவீன தொழில்நுட்பத்தை பயன்படுத்தி பரிசோதனை செய்யப்படுகிறது.

கோவை,

கோவை நகரில் 24 மணிநேர குடிநீர் வினியோக திட்டப்பணிகளை பிரான்ஸ் நாட்டை சேர்ந்த சூயஸ் நிறுவனம் மேற்கொள்கிறது. ஏற்கனவே நகரில் பதிக்கப்பட்ட குழாய்களின் தரத்தை பரிசோதிக்க பிரான்ஸ் நாட்டு நவீன தொழில்நுட்பமான இ–பல்ஸ் மற்றும் ஸ்கேனர் ஆகியமுறையை சூயஸ் நிறுவனம் நாட்டிலேயே முதன்முறையாக கோவையில் மேற்கொள்கிறது.

நகரில் பிரதான குழாய்கள் 111 கிலோ மீட்டர் தூரத்துக்கு பதிக்கப்பட்டுள்ளது. இந்த குழாய்களை மீண்டும் பயன்படுத்த முடியுமா? அல்லது புதிதாக குழாய்கள் பதிக்க வேண்டுமா? என்பது குறித்து ஆய்வு செய்யப்படுகிறது.

இதற்காக மாநகராட்சி பகுதிகளில் 12 இடங்கள் தேர்வு செய்யப்பட்டு அதில் 10 இடங்களில் இ–பல்ஸ் மற்றும் ஸ்கேனர் தொழில்நுட்பம் பயன்படுத்தப்பட உள்ளது. இ–பல்ஸ் முறையின்படி, ஏற்கனவே பதிக்கப்பட்ட பழைய குழாய்களின் பகுதியில் ஒலி அலைகளை அனுப்பி அதன் தரம் பரிசோதிக்கப்படுகிறது. ஸ்கேனர்முறையின்படி, எலெக்டிரானிக் கருவி மூலம் பழைய குழாயின் பகுதியில் குழி தோண்டி குறிப்பிட்ட பகுதியில் ஆய்வு செய்யப்படுகிறது. ஒரு இடத்தில் ஆய்வு செய்யும்போது 200 மீட்டர் நீளம்வரை அந்த குழாயின் தரத்தை உறுதி செய்ய முடியும். கோவை நகரில் முதல் முறையாக இந்த தொழில்நுட்பம் பயன்படுத்தப்படுவதாக அதிகாரிகள் தெரிவித்தனர். மேலும் இதுகுறித்து மாநகராட்சி அதிகாரிகள் கூறியதாவது:–

இ–பல்ஸ் தொழில்நுட்பத்திற்கு குழி எதுவும் தோண்டவேண்டியதில்லை. வீடுகளுக்கு வழங்கப்படும் குடிநீர் குழாயில் இந்த இ–பல்ஸ் பொருத்தி சோதனை நடத்தினால் போதுமானது. ஆனால் ஸ்கேனர் தொழில்நுட்பத்திற்கு கொஞ்சம் குழி தோண்டப்பட வேண்டி இருக்கும். இந்த இரு தொழில்நுட்பங்களால் ஏற்கனவே இருக்கும் குழாய்களின் தரம் குறித்து தெரிந்து விடும். இதற்கான சோதனைக்கு 10 இடங்கள் தேர்வு செய்யப்பட்டுள்ளன. போக்குவரத்து நெருக்கடி காரணமாக 2 இடங்களில் இந்த சோதனை கைவிடப்படுகிறது. இ–பல்ஸ் தொழில்நுட்பம் நேதாஜிபுரம், வரதராஜபுரம் பகுதிகளிலும், ஸ்கேனர் தொழில்நுட்பம் டவுன்ஹால், டி.பி.ரோடு, கே.கே.நகர், சங்கனூர் பகுதிகளில் பயன்படுத்தப்பட்டுள்ளது. மீதம் உள்ள 4 இடங்களில் வரும் நாட்களில் சோதனை மேற்கொள்ளப்படும்.

இவ்வாறு அவர் கூறினார்.


தொடர்புடைய செய்திகள்

1. உத்தமபாளையம் அருகே கோம்பையில் 2 வீடுகளில் தேசிய புலனாய்வு முகமை போலீசார் சோதனை; லேப்டாப், ஹார்டு டிஸ்க் பறிமுதல்
உத்தமபாளையம் அருகே கோம்பையில் தேசிய புலனாய்வு முகமை போலீசார் 2 வீடுகளில் சோதனை நடத்தி அங்கிருந்து லேப்டாப், ஹார்டு டிஸ்க் ஆகியவற்றை பறிமுதல் செய்தனர்.
2. குடியாத்தம் அருகே உரிய ஆவணங்கள் இன்றி எடுத்துச்சென்ற ரூ.4 லட்சம் பறிமுதல் வாகன சோதனையில் சிக்கியது
குடியாத்தம் அருகே நடந்த வாகன சோதனையில், உரிய ஆவணங்கள் இன்று எடுத்துச்செல்லப்பட்ட ரூ.4 லட்சம் பறிமுதல் செய்யப்பட்டது.
3. பண்ணாரி சோதனை சாவடியில் லஞ்ச ஒழிப்புத்துறை திடீர் சோதனை; கணக்கில் வராத ரூ.66 ஆயிரம் பறிமுதல்
பண்ணாரி சோதனை சாவடியில் லஞ்ச ஒழிப்புத்துறை அதிகாரிகள் நடத்திய திடீர் சோதனையில் கணக்கில் வராத ரூ.66 ஆயிரம் பறிமுதல் செய்யப்பட்டது.
4. அயோத்தியாப்பட்டணம் சார்பதிவாளர் அலுவலகத்தில் விடிய, விடிய சோதனை நடத்திய லஞ்ச ஒழிப்பு போலீசார் கணக்கில் வராத ரூ.92 ஆயிரம் பறிமுதல்
சேலம் அருகே அயோத்தியாப்பட்டணத்தில் உள்ள சார்பதிவாளர் அலுவலகத்தில் லஞ்ச ஒழிப்பு போலீசார் நேற்று முன்தினம் மாலை முதல் நேற்று அதிகாலை வரை விடிய, விடிய சோதனை நடத்தினர். இதில் கணக்கில் வராத ரூ.92 ஆயிரம் சிக்கியது.
5. வேலூர் வணிக குற்றப்புலனாய்வு பிரிவு போலீஸ் இன்ஸ்பெக்டர் வீட்டில் லஞ்ச ஒழிப்பு போலீசார் சோதனை பல கோடி ரூபாய் சொத்து ஆவணங்கள் சிக்கின
சொத்து குவித்ததாக பதிவு செய்யப்பட்ட வழக்கை தொடர்ந்து வேலூர் வணிக குற்றப்புலனாய்வு பிரிவு இன்ஸ்பெக்டர் வீட்டில் லஞ்ச ஒழிப்பு போலீசார் ‘திடீர்’ சோதனை நடத்தினர். இந்த சோதனையில் பல கோடி ரூபாய் மதிப்புள்ள சொத்து ஆவணங்கள் சிக்கியுள்ளன.