தேசிய செய்திகள்

சின்னசாமி கிரிக்கெட் மைதான குண்டுவெடிப்பு வழக்கு: பயங்கரவாதிகள் 3 பேருக்கு தலா 7 ஆண்டுகள் சிறை + "||" + Chinnaswamy cricket ground blasts case: Three of the three terrorists were jailed for seven years

சின்னசாமி கிரிக்கெட் மைதான குண்டுவெடிப்பு வழக்கு: பயங்கரவாதிகள் 3 பேருக்கு தலா 7 ஆண்டுகள் சிறை

சின்னசாமி கிரிக்கெட் மைதான குண்டுவெடிப்பு வழக்கு: பயங்கரவாதிகள் 3 பேருக்கு தலா 7 ஆண்டுகள் சிறை
சின்னசாமி கிரிக்கெட் மைதான குண்டுவெடிப்பு வழக்கில் பயங்கரவாதிகள் 3 பேருக்கு தலா 7 ஆண்டுகள் சிறை தண்டனை விதித்து பெங்களூரு சிறப்பு கோர்ட்டு தீர்ப்பளித்துள்ளது.
பெங்களூரு,

பெங்களூரு சின்னசாமி கிரிக்கெட் மைதானத்தில் கடந்த 2010-ம் ஆண்டு ஏப்ரல் மாதம் 17-ந் தேதி ஐ.பி.எல். கிரிக்கெட் போட்டி நடைபெற்றது. இந்த போட்டி தொடங்குவதற்கு முன்பாக மைதானத்தின் அருகே 2 குண்டுகள் வெடித்தன. இதில் 15 பேர் காயமடைந்தனர். மேலும், மைதானத்தை சுற்றி சோதனை நடத்திய போலீசார் 3 வெடிகுண்டுகளை கைப்பற்றி செயலிழக்க செய்தனர். இந்த குண்டுவெடிப்பு சம்பவம் தொடர்பாக இந்திய முஜாகிதீன் பயங்கரவாத அமைப்பை சேர்ந்த யாசீன் பட்கல் உள்பட 7 பேர் கைது செய்யப்பட்டனர்.


இந்நிலையில், கைது செய்யப்பட்ட கவுகார் அஜிஸ் கோமணி, கமல்ஹாசன், முகமது காபீல் அக்தர் ஆகிய 3 பேரும் கடந்த 4-ந் தேதி பெங்களூரு தேசிய புலனாய்வு சிறப்பு கோர்ட்டில் நீதிபதி சித்தலிங்க பிரபு முன்பு ஆஜராகி குண்டுவெடிப்பில் தங்களுக்கு தொடர்பு இருப்பதாக கூறி குற்றத்தை ஒப்புக்கொண்டு, வாக்குமூலம் அளித்தனர்.

இதைத்தொடர்ந்து இந்த வழக்கில் நேற்று தேசிய புலனாய்வு சிறப்பு கோர்ட்டில் தீர்ப்பு வழங்கப்பட்டது. அப்போது கவுகார் அஜிஸ் கோமணி, கமல்ஹாசன், முகமது காபீல் அக்தர் ஆகியோருக்கு தலா 7 ஆண்டுகள் சிறை தண்டனை விதித்து நீதிபதி சித்தலிங்க பிரபு உத்தரவிட்டார். இதையடுத்து அவர்கள் 3 பேரும் பரப்பனஅக்ரஹாரா சிறையில் அடைக்கப்பட்டனர்.


தொடர்புடைய செய்திகள்

1. பெங்களூருவில் தேவேகவுடாவுடன் சந்திரபாபு நாயுடு சந்திப்பு
பா.ஜனதாவுக்கு எதிராக கூட்டணி அமைப்பது தொடர்பாக, தேவேகவுடாவுடன் சந்திரபாபு நாயுடு ஆலோசனை நடத்தினார்.
2. பெங்களூருவில் துப்பாக்கி விற்க முயற்சி: நடிகர் உள்பட 4 பேர் கைது
பெங்களூருவில் துப்பாக்கி விற்க முயன்றதாக நடிகர் உள்பட 4 பேர் கைது செய்யப்பட்டார்கள். அவர்களிடம் இருந்து 2 துப்பாக்கிகள், 21 தோட்டாக்கள் பறிமுதல் செய்யப்பட்டன.
3. பெங்களூரு மாநகராட்சி கூட்டத்தில் துணை மேயர் மறைவுக்கு இரங்கல் சபை நாள் முழுவதும் ஒத்திவைக்கப்பட்டது
துணை மேயர் மறைவுக்கு பெங்களூரு மாநகராட்சி கூட்டத்தில் இரங்கல் தெரிவிக்கப்பட்டது. இதையடுத்து சபை நாள் முழுவதும் ஒத்திவைக்கப்பட்டது.
4. பெங்களூரு-சென்னை நெடுஞ்சாலைக்காக அரசு கையகப்படுத்தும் நிலங்களுக்கு கூடுதல் இழப்பீட்டு தொகை - பொதுமக்கள் கோரிக்கை
பெங்களூரு-சென்னை நெடுஞ்சாலைக்காக அரசு கையகப்படுத்தும் நிலங்களுக்கு கூடுதலாக இழப்பீட்டு தொகை வழங்க வேண்டும் என்று குறைத்தீர்வு கூட்டத்தில் கலெக்டரிடம் பொதுமக்கள் கோரிக்கை மனு வழங்கினர்.
5. பெங்களூரு துணை மேயர் ரமிலா உமாசங்கர் மாரடைப்பால் மரணம்
பெங்களூரு துணை மேயர் ரமிலா உமாசங்கர் மாரடைப்பால் மரணம் அடைந்தார். அவருக்கு வயது 44.