தேசிய செய்திகள்

கள்ள உறவு பற்றிய வழக்கில் தீர்ப்பு ஒத்திவைப்பு : சுப்ரீம் கோர்ட்டு உத்தரவு + "||" + The verdict adjourned in the case of illicit relationship: Supreme Court directive

கள்ள உறவு பற்றிய வழக்கில் தீர்ப்பு ஒத்திவைப்பு : சுப்ரீம் கோர்ட்டு உத்தரவு

கள்ள உறவு பற்றிய வழக்கில் தீர்ப்பு ஒத்திவைப்பு : சுப்ரீம் கோர்ட்டு உத்தரவு
திருமணம் ஆன ஆண்–பெண் கள்ள உறவு பற்றிய வழக்கில் தீர்ப்பை தேதி குறிப்பிடாமல் சுப்ரீம் கோர்ட்டு ஒத்திவைத்தது.

புதுடெல்லி,

இத்தாலியில் வசிக்கும் இந்தியரான ஜோசப் ஷைன் என்பவர் சுப்ரீம் கோர்ட்டில் தொடர்ந்த வழக்கில் திருமணம் ஆன ஆண்–பெண் இடையேயான கள்ள உறவில் ஆணுக்கு மட்டும் தண்டனை விதிக்க வகை செய்யும் இந்திய தண்டனைச் சட்டத்தின் 497–வது பிரிவு குறித்து கேள்வி எழுப்பி இருந்தார். மேலும் இந்த சட்டப்பிரிவை செல்லாது என்று அறிவிக்க வேண்டும் என்றும் அவர் அதில் கூறியிருந்தார்.

இந்த வழக்கை தலைமை நீதிபதி தீபக் மிஸ்ரா தலைமையில் நீதிபதிகள் ஆர்.எப்.நாரிமன், ஏ.எம்.கன்வில்கர், டி.ஒய்.சந்திரசூட், இந்து மல்ஹோத்ரா ஆகியோர் அடங்கிய அரசியல் சாசன அமர்வு விசாரணை நடத்தி வந்தது.

நேற்று இந்த வழக்கு விசாரணைக்கு வந்தபோது, மத்திய அரசு தரப்பில் ஆஜரான கூடுதல் சொலிசிட்டர் ஜெனரல் பிங்கி ஆனந்த் தனது வாதத்தில், ‘‘திருமணம் ஆன ஆண்–பெண் இடையேயான கள்ள உறவு திருமண பந்தத்தின் புனிதத்தை அழித்து விடும் என்பதை மனதில் கொண்டு இந்த தண்டனைச் சட்டம் கொண்டு வரப்பட்டது. இதுபோன்ற கள்ள உறவு திருமணத்தின் புனிதத்துக்கு அச்சுறுத்தலாகவும் உள்ளது. வெளிநாட்டு கலாசாரத்துடன் இதை தொடர்புபடுத்துவது சரி அல்ல. இது இந்திய சமூக சூழ்நிலையின் அடிப்படையில் உருவாக்கப்பட்டது. எனவே இந்த தண்டனை சட்டம் தொடர வேண்டும்’’ என்று வாதிட்டார்.

அப்போது நீதிபதிகள் அமர்வு, பெண்ணின் கணவரின் சம்மதத்துடன் இதுபோன்ற உறவு நடந்து அது கள்ள உறவு இல்லை என கூறப்படும் என்றால் திருமணத்தின் புனிதம் என்னவாகும்? இது பொதுவில் நல்லதுதானா? என்று கருத்து தெரிவித்தது.

இந்த வழக்கில் நேற்றுடன் அனைத்து தரப்பு வாதங்களும் முடிவடைந்தன. இதைத் தொடர்ந்து வழக்கின் மீதான தீர்ப்பை தேதி குறிப்பிடாமல் நீதிபதிகள் ஒத்திவைத்தனர்.



தொடர்புடைய செய்திகள்

1. 8-வது மாடியில் இருந்து குதித்து முதுகலை பட்டப்படிப்பு மாணவர் தற்கொலை
8-வது மாடியில் இருந்து குதித்து முதுகலை பட்டப்படிப்பு மாணவர் தற்கொலை செய்து கொண்டார். அவரை தற்கொலைக்கு தூண்டியதாக பேராசிரியர் மீது வழக்குப்பதிவு செய்யப்பட்டுள்ளது.
2. டி.எஸ்.பி. விஷ்ணுபிரியா தற்கொலை வழக்கை மீண்டும் விசாரிக்க வேண்டும் - சி.பி.ஐ.க்கு கோவை கோர்ட்டு உத்தரவு
டி.எஸ்.பி. விஷ்ணுபிரியா தற்கொலை வழக்கை சி.பி.ஐ. மீண்டும் விசாரிக்க வேண்டும் என்று கோர்ட்டு உத்தரவிட்டு உள்ளது.
3. சார் பதிவாளர் அலுவலகத்தில் லஞ்ச ஒழிப்பு போலீசார் சோதனை ரூ.1¼ லட்சம் பறிமுதல்; 7 பேர் மீது வழக்கு
லால்குடி சார் பதிவாளர் அலுவலகத்தில் லஞ்ச ஒழிப்பு போலீசார் சோதனை நடத்தினர். இதில் கணக்கில் வராத ரூ.1¼ லட்சத்தை பறிமுதல் செய்தனர். இது தொடர்பாக 7 பேர் மீது வழக்குப்பதிவு செய்தனர்.
4. குட்டையில் தவறி விழுந்து குழந்தை சாவு டாக்டரிடம் தகராறு செய்தவர் மீது வழக்கு
திருத்துறைப்பூண்டி அருகே குட்டையில் தவறி விழுந்து குழந்தை இறந்தது. குழந்தையின் உடலை பரிசோதனை செய்யாமல் வழங்க கேட்டு டாக்டரிடம் தகராறு செய்தவர் மீது போலீசார் வழக்குப்பதிவு செய்துள்ளனர்.
5. கட்டாய திருமணத்துக்கு வற்புறுத்தியதால் கல்லூரி மாணவி தற்கொலை முயற்சி வாலிபர் மீது போக்சோ சட்டத்தில் வழக்கு
கட்டாய திருமணத்துக்கு வற்புறுத்தியதால் நாகர்கோவில் கல்லூரி மாணவி தற்கொலை முயற்சியில் ஈடுபட்டார். இதுதொடர்பாக வாலிபர் மீது போக்சோ சட்டத்தில் வழக்குப்பதிவு செய்து போலீசார் விசாரணை நடத்தி வருகிறார்கள்.