தேசிய செய்திகள்

காஷ்மீர் விவகாரம்: ‘மிகமோசமான பொறுப்பற்ற அரசியல்' ராகுல் காந்தியை கடுமையாக சாடிய மத்திய அரசு + "||" + Most irresponsible politics ever Centre on Rahul Gandhis Kashmir remark

காஷ்மீர் விவகாரம்: ‘மிகமோசமான பொறுப்பற்ற அரசியல்' ராகுல் காந்தியை கடுமையாக சாடிய மத்திய அரசு

காஷ்மீர் விவகாரம்: ‘மிகமோசமான பொறுப்பற்ற அரசியல்' ராகுல் காந்தியை கடுமையாக சாடிய மத்திய அரசு
காஷ்மீர் விவகாரத்தில் ராகுல் காந்தி மிகவும் மோசமான பொறுப்பற்ற அரசியலை மேற்கொள்கிறார் என மத்திய அரசு விமர்சனம் செய்துள்ளது.
ஜம்மு காஷ்மீர் மாநிலத்துக்கான சிறப்பு அந்தஸ்தை மத்திய அரசு ரத்து செய்த பின்னர் கடுமையான கட்டுப்பாடுகள் அமல்படுத்தப்பட்டுள்ளன. இந்நிலையில் ராகுல் காந்தி தலைமையிலான எதிர்க்கட்சிகள் அங்கு பிரவேசிக்க எதிர்ப்பு தெரிவிக்கப்பட்டது. அப்போது ராகுல் காந்தி பேசுகையில், கொடூரமான நிர்வாகத்தின் பிடியில் எதிர்க்கட்சிகளும், ஊடகங்களும் இருக்கின்றன. அடக்குமுறை சக்திகளால் மக்கள் ஒடுக்கப்படுகிறார்கள். காஷ்மீரில் நடக்கும் கலவரத்தால் மக்கள் கொல்லப்படுகிறார்கள் என்று பேசியிருந்தார். 

இதனை குறிப்பிட்டு பாகிஸ்தான், ஐ.நா.விற்கு கடிதம் எழுதியது. இதனால் ராகுல் காந்திக்கு எதிராக கடுமையான விமர்சனம் எழுந்தது.
  
இந்நிலையில் டுவிட்டரில் ராகுல் காந்தி,  "காஷ்மீர் எங்களின் உள்நாட்டுப் பிரச்சினை, அதில் பாகிஸ்தான் தலையிடக்கூடாது" என குறிப்பிட்டார். இதனையடுத்து ராகுலின் இரட்டை பேச்சை மத்திய அரசு விமர்சனம் செய்துள்ளது. 

இதுதொடர்பாக மத்திய அமைச்சர் பிரகாஷ் ஜவடேகர் செய்தியாளர்களிடம் பேசுகையில்,  காங்கிரஸ் கட்சியின் முன்னாள் தலைவரின் கருத்துகள் நாட்டை அவமானப்படுத்தும் நோக்கம் கொண்டதாக உள்ளது. இப்போது பாகிஸ்தானுக்கு உதவியுள்ளார். காஷ்மீரில் வன்முறை நடக்கிறது என்றும், அதனால் மக்கள் உயிரிழக்கின்றனர் என்றும் கூறியதற்கு ராகுலும், காங்கிரசும் மன்னிப்பு கோர வேண்டும். 

இது மிகமோசமான பொறுப்பற்ற அரசியல் என்பதை மக்கள் கவனித்து வருகிறார்கள். தவறான கருத்தை தெரிவித்த ராகுல் காந்தி, அரசியல் சூழல் மற்றும் மக்களின் அழுத்தம் காரணமாக திடீரென மாற்றி பேசியுள்ளார். காஷ்மீரில் வன்முறை நடக்கிறது என்ற ராகுல் காந்தியின்  குற்றச்சாட்டு முற்றிலும் தவறானது. தேர்தலில், வாக்கு வங்கி அரசியலுக்காகவே அந்த கட்சி இவ்வாறு நடக்கிறது என்று கூறியுள்ளார்.

தொடர்புடைய செய்திகள்

1. சீனாவின் தந்திரம் :ஒரே நேரத்தில் இந்திய எல்லையில் சிக்கலை ஏற்படுத்தும் மூன்று நாடுகள்
ஒரே நேரத்தில் இந்திய எல்லையில் சிக்கலை ஏற்படுத்தும் மூன்று நாடுகள் விவகாரத்தில் பிரதமர் மோடி என்ன முடிவு எடுக்கப்போகிறார்...?
2. ரகசிய குறியீட்டை சுமந்து கொண்டு பாகிஸ்தானில் இருந்து இந்தியாவுக்கு பறந்து வந்த ‘உளவு புறா’
ரகசிய குறியீட்டை சுமந்து கொண்டு பாகிஸ்தானில் இருந்து இந்தியாவுக்கு ‘உளவு புறா’ ஒன்று பறந்து வந்துள்ளது.
3. காஷ்மீரில் 2 பயங்கரவாதிகள் சுட்டுக்கொலை
காஷ்மீரில் 2 பயங்கரவாதிகள் சுட்டுக்கொல்லப்பட்டனர்.
4. அம்பன் புயல்: மேற்கு வங்கத்துக்கு ரூ. 1000 கோடி விடுவித்தது மத்திய அரசு
அம்பன் புயலால் கடுமையாக பாதிக்கப்பட்ட மேற்கு வங்கத்துக்கு ரூ. 1000 கோடியை மத்திய அரசு விடுவித்தது.
5. ஊரடங்கால் 29- லட்சம் பேருக்கு கொரோனா பாதிப்பு தவிர்ப்பு- மத்திய அரசு
இந்தியாவில் சரியான நேரத்தில் ஊரடங்கு அமல்படுத்தப்பட்டதால் 29- லட்சம் பேருக்கு கொரோனா பாதிப்பு தவிர்க்கப்பட்டுள்ளதாக மத்திய அரசு தெரிவித்துள்ளது.