தேசிய செய்திகள்

மத்திய பிரதேசத்தில் பயங்கரம்: தலித் சிறுவர்கள் 2 பேர் அடித்துக்கொலை - மாயாவதி கடும் கண்டனம் + "||" + Terror in Madhya Pradesh: 2 Dalit boys killed - Mayawati's heavy denunciation

மத்திய பிரதேசத்தில் பயங்கரம்: தலித் சிறுவர்கள் 2 பேர் அடித்துக்கொலை - மாயாவதி கடும் கண்டனம்

மத்திய பிரதேசத்தில் பயங்கரம்: தலித் சிறுவர்கள் 2 பேர் அடித்துக்கொலை - மாயாவதி கடும் கண்டனம்
மத்திய பிரதேசத்தில் தலித் சிறுவர்கள் 2 பேர் அடித்துக்கொல்லப்பட்ட சம்பவத்துக்கு மாயாவதி கடும் கண்டனம் தெரிவித்துள்ளார்.
சிவ்புரி,

மத்திய பிரதேசத்தின் சிவ்புரி மாவட்டத்துக்கு உட்பட்ட பாவ்கேதி கிராமத்தை சேர்ந்த ரோ‌‌ஷனி பால்மிகி (வயது 12), அவினா‌‌ஷ் பால்மிகி (10) ஆகிய 2 சிறுவர்கள், நேற்று காலையில் அங்குள்ள பஞ்சாயத்து கட்டிடத்துக்கு முன் திறந்தவெளியில் மலம் கழித்ததாக தெரிகிறது.


இதைப்பார்த்து ஆத்திரமடைந்த அப்பகுதியை சேர்ந்த சகோதரர்களான ரமே‌‌ஷ்வர் யாதவ், ஹக்கிம் யாதவ் ஆகிய இருவரும் அந்த சிறுவர்களை பிடித்து சரமாரியாக அடித்து உதைத்தனர். இதில் படுகாயமடைந்த சிறுவர்கள் இருவரும் மருத்துவமனைக்கு கொண்டு செல்லும் வழியில் பரிதாபமாக இறந்தனர்.

இந்த சம்பவம் தொடர்பாக ரமே‌‌ஷ்வர் மற்றும் ஹக்கிம் இருவரையும் போலீசார் கைது செய்துள்ளனர். இந்த கொலை சம்பவம் அந்த பகுதியில் பெரும் பரபரப்பை ஏற்படுத்தி உள்ளது. அசம்பாவிதங்களை தவிர்க்க அங்கு பலத்த பாதுகாப்பு போடப்பட்டு உள்ளது.

இந்த சம்பவத்துக்கு பகுஜன் சமாஜ் கட்சித்தலைவர் மாயாவதி கடும் கண்டனம் தெரிவித்து உள்ளார். மாநிலத்தில் தலித் பிரிவினருக்கு போதுமான கழிவறை வசதிகளை ஏற்படுத்த தவறியமைக்காக மாநிலத்தில் அடுத்தடுத்து அமைந்த பா.ஜனதா, காங்கிரஸ் அரசுகள் மீதும் அவர் குற்றம் சாட்டியுள்ளார்.


தொடர்புடைய செய்திகள்

1. மத்திய பிரதேச முதல்வர் சிவ்ராஜ் சிங் சவுகானுக்கு கொரோனா உறுதி!
மத்திய பிரதேச முதல்வர் சிவ்ராஜ் சிங் சவுகானுக்கு கொரோனா உறுதி செய்யப்பட்டு உள்ளது.
2. மத்திய பிரதேசத்தில் இன்று 632 பேருக்கு கொரோனா தொற்று உறுதி
மத்திய பிரதேச மாநிலத்தில் இன்று ஒரே நாளில் 632 பேருக்கு கொரோனா தொற்று உறுதி செய்யப்பட்டுள்ளது.
3. காங்கிரஸ் மீது மக்கள் நம்பிக்கையிழந்து விட்டனர்: ஜோதிராதித்ய சிந்தியா
மத்தியபிரதேச மக்கள் காங்கிரஸ் மீதான நம்பிக்கையை முழுவதுமாக இழந்து விட்டார்கள் என்று பாஜகவின் ஜோதிராதித்ய சிந்தியா கருத்து தெரிவித்துள்ளார்.
4. விகாஸ் துபே உ.பி போலீசாரிடம் ஒப்படைக்கப்படுவார்: மத்திய பிரதேச முதல் மந்திரி சிவராஜ் சிங் சவுகான்
மத்திய பிரதேசத்தில் கைது செய்யப்பட்டுள்ள ரவுடி விகாஸ் துபே உத்தர பிரதேச போலீசாரிடம் ஒப்படைக்கப்படுவார் என்று சிவராஜ் சிங் சவுகான் தெரிவித்துள்ளார்.
5. மத்திய பிரதேசம்: புதிதாக 28 மந்திரிகள் பதவியேற்றுக்கொண்டனர்
மத்திய பிரதேசத்தில் அமைச்சரவை இன்று விரிவாக்கம் செய்யப்பட்டது.