தேசிய செய்திகள்

பாகிஸ்தானின் வெற்றியை காஷ்மீரிகள் கொண்டாடினால் ஏன் இவ்வளவு கோபம்? - மெகபூபா கேள்வி + "||" + Why such anger against Kashmiris for celebrating Pakistan's win, says Mehbooba Mufti

பாகிஸ்தானின் வெற்றியை காஷ்மீரிகள் கொண்டாடினால் ஏன் இவ்வளவு கோபம்? - மெகபூபா கேள்வி

பாகிஸ்தானின் வெற்றியை காஷ்மீரிகள் கொண்டாடினால் ஏன் இவ்வளவு கோபம்? - மெகபூபா கேள்வி
பாகிஸ்தான் அணிக்கு வாழ்த்து தெரிவித்த கோலியைப் போல, ஏற்கும் மனநிலையை வளர்ப்போம் என்று மெகபூபா முப்தி தெரிவித்துள்ளார்.
ஸ்ரீநகர், 

துபாயில் நேற்று முன்தினம் நடந்த டி20 உலகக் கோப்பை போட்டியின் சூப்பர்-12 சுற்றில் குரூப்-2 பிரிவில் பாகிஸ்தான் அணியிடம் 10 விக்கெட் வித்தியாசத்தில் இந்திய அணி தோல்வி அடைந்தது.  பாகிஸ்தான் வரலாற்று வெற்றி பெற்றதை அந்நாட்டு மக்கள் கொண்டாடினர். 

இந்த சூழலில் பாகிஸ்தான் வெற்றியை இந்தியாவில் உள்ள காஷ்மீர் மக்களும் கொண்டாடினர். இதனால் காஷ்மீரில் கொண்டாட்டத்தில் ஈடுபட்டவர்களை கடுமையாக விமர்சித்து பலரும் சமூக வலைதளத்தில் கருத்து தெரிவித்து வருகின்றனர்.  

இந்நிலையில் பாகிஸ்தானின் வெற்றியைக் கொண்டாடினால் காஷ்மீரிகள் மீது ஏன் இவ்வளவு கோபம்? என்று மக்கள் ஜனநாயகக் கட்சித் தலைவர் மெகபூபா முப்தி கேள்வி எழுப்பியுள்ளார். 

இதுதொடர்பாக அவர் தனது டுவிட்டரில், “பாகிஸ்தானின் வெற்றியைக் கொண்டாடிய காஷ்மீரிகள் மீது ஏன் இவ்வளவு கோபம்? சிலர் கொலைவெறிக் கோஷங்களையும் எழுப்புகிறார்கள். துரோகிகளைச் சுட வேண்டும் என்று கூறுகிறார்கள். காஷ்மீர் துண்டாக்கப்பட்டு, சிறப்பு அந்தஸ்து பறிக்கப்பட்டபோது எத்தனை பேர் இனிப்புகள் வழங்கி கொண்டாடினார்கள் என்பதை யாரும் மறந்துவிடவில்லை என்றும், தனது மற்றொரு டுவிட்டில், “பாகிஸ்தான் கிரிக்கெட் அணிக்கு முதலில் வாழ்த்து தெரிவித்து சரியான எண்ணத்தை வெளிப்படுத்திய விராட் கோலியைப் போல, எதிர்ப்பு என்ற எண்ணத்தில் இருந்து ஏற்கும் மனநிலையை வளர்த்துக் கொள்வோம்” என்று மெகபூபா முப்தி பதிவிட்டிருந்தார்.




தொடர்புடைய செய்திகள்

1. வங்கதேசம்-பாகிஸ்தான் 2-வது டெஸ்ட்: மழையால் முதல்நாள் ஆட்டம் பாதிப்பு
வங்கதேசத்திற்கு எதிரான 2-வது டெஸ்ட் போட்டியில் பாகிஸ்தான் அணி 2 விக்கெட்டுக்கு 161 ரன்கள் எடுத்துள்ளது.
2. இம்ரான்கானுக்கு எதிராக பாகிஸ்தான் தூதரகம் பதிவிட்ட விவகாரம்: டுவிட்டர் கணக்கு ஹேக் செய்யப்பட்டதாக விளக்கம்
பாகிஸ்தான் அரசியல் வட்டாரத்தில் பெரும் புயலை கிளப்பிய இவ்விவகாரம் தொடர்பாக விளக்கம் அந்நாட்டு வெளியுறவுத்துறை அமைச்சகம் விளக்கம் அளித்துள்ளது.
3. சம்பளம் இல்லாமல் உங்களுக்கு எவ்வளவு நாள் வேலை செய்வது? - இம்ரான்கானுக்கு பாகிஸ்தான் தூதரகம் கேள்வி
சம்பளம் இல்லாமல் உங்களுக்கு எவ்வளவு நாள் வேலை செய்வது? என செர்பியாவில் செயல்பட்டு வரும் பாகிஸ்தான் தூதரகம் இம்ரான்கானுக்கு கேள்வி எழுப்பியுள்ளது.
4. சீக்கிய புனித தளத்தில் பாகிஸ்தான் அழகி போட்டோ சூட்...இந்தியா அதிருப்தி
பாகிஸ்தான் கர்தார்பூரில் உள்ள குருத்வாரா தர்பார் சாஹிப்பின் முன்பு பாகிஸ்தான் மாடல் சவுலேஹா போட்டோசூட் நடத்தி, அதன் படங்களை வெளியிட்டிருந்தார்
5. ஐசிசி உலக டெஸ்ட் சாம்பியன்ஷிப் பட்டியல் : 2ம் இடத்திற்கு முன்னேறிய பாகிஸ்தான்
வங்காளதேசம் அணிக்கு எதிரான முதலாவது டெஸ்ட் கிரிக்கெட் போட்டியில் பாகிஸ்தான் 8 விக்கெட்டுகள் வித்தியாசத்தில் வெற்றி பெற்றது