உலக செய்திகள்

இலங்கையில் அவசர நிலை முடிவுக்கு வந்தது + "||" + Sri Lanka Ends Emergency 4 Months After Easter Blasts

இலங்கையில் அவசர நிலை முடிவுக்கு வந்தது

இலங்கையில் அவசர நிலை முடிவுக்கு வந்தது
இலங்கையில் 4 மாதங்களாக அமலில் இருந்த அவசர நிலை முடிவுக்கு வந்தது.
கொழும்பு,

இலங்கையில், கடந்த ஏப்ரல் 21-ந் தேதி ஈஸ்டர் பண்டிகை தினத்தன்று தேவாலயங்கள், நட்சத்திர ஓட்டல்களை குறிவைத்து தொடர் குண்டுவெடிப்பு சம்பவம் நடந்தது. அதில், 258 பேர் பலியானார்கள்.

இலங்கையை சேர்ந்த தேசிய தவ்ஹீத் ஜமாத் பயங்கரவாத அமைப்பினர் இந்த நாசவேலையில் ஈடுபட்டது தெரியவந்தது. அவர்களை வேட்டையாடும் நோக்கத்திலும், அமைதியை கொண்டு வருவதற்காகவும் அவசர நிலையை அதிபர் சிறிசேனா பிறப்பித்தார். சந்தேகத்துக்குரிய எவரையும் நீண்ட காலத்துக்கு காவலில் வைக்க போலீசாருக்கும், பாதுகாப்பு படையினருக்கும் இச்சட்டம் அதிகாரம் அளிக்கிறது.


குண்டுவெடிப்பில் தொடர்புடைய அனைவரும் கைது செய்யப்பட்டு விட்டனர் அல்லது கொல்லப்பட்டு விட்டனர் என்று இலங்கை அரசு தெரிவித்தது.

இந்நிலையில், இலங்கையில் 4 மாதங்களாக அமலில் இருந்த அவசர நிலை நேற்று முன்தினம் முடிவுக்கு வந்தது. அவசர நிலையை ஒவ்வொரு மாதமும் 22-ந் தேதி அதிபர் சிறிசேனா நீட்டிப்பது வழக்கம்.

ஆனால், கடந்த 22-ந் தேதி, அவர் அவசர நிலையை நீட்டிக்கும் பிரகடனத்தை வெளியிடவில்லை. இதை அவரது அலுவலகமும் உறுதி செய்தது.

இலங்கை அரசு அச்சகமும் உறுதி செய்தது. அவசர நிலை நீட்டிக்கப்படாதநிலையில், அது முடிந்து விட்டதாகவே அர்த்தம். எனவே, அவசர நிலை முடிவுக்கு வந்து விட்டது என்று இலங்கை அரசு வட்டாரங்கள் தெரிவித்தன.

அவசர நிலை அமலில் இருந்ததால், இலங்கைக்கு வரும் சுற்றுலா பயணிகளின் எண்ணிக்கை குறைந்திருந்தது. எனவே, சுற்றுலா பயணிகளை ஈர்ப்பதற்காக, அவசர நிலையை தளர்த்த வேண்டும் என்று இலங்கை சுற்றுலா மந்திரி ஜான் அமரதுங்கா சமீபத்தில் கேட்டுக்கொண்டார். இந்தநிலையில், அவசர நிலை முடிவுக்கு வந்துள்ளது.

தொடர்புடைய செய்திகள்

1. இலங்கையில் அதிபர் தேர்தலுக்கான தேதி அறிவிப்பு
இலங்கையில் அதிபர் தேர்தலுக்கான தேதி அறிவிக்கப்பட்டுள்ளது. வேட்பு மனு தாக்கல் வரும் அக்.7 ஆம் தேதி தொடங்க உள்ளது.
2. இலங்கையில் நடந்த யுனிசெப் மாநாட்டில் காஷ்மீர் பிரச்சினையை எழுப்ப பாகிஸ்தான் முயற்சி - இந்திய எம்.பி.க்கள் முறியடித்தனர்
இலங்கையில் குழந்தைகள் உரிமைகள் தொடர்பான யுனிசெப் மாநாட்டில் காஷ்மீர் பிரச்சினையை எழுப்ப பாகிஸ்தான் முயற்சித்தது. ஆனால் அதை இந்திய எம்.பி.க்கள் முறியடித்து விட்டனர்.
3. இலங்கைக்கு எதிரான 20 ஓவர் கிரிக்கெட்: தொடரை வென்றது நியூசிலாந்து
இலங்கைக்கு எதிரான 20 ஓவர் கிரிக்கெட் போட்டியில், நியூசிலாந்து அணி வெற்றிபெற்றதுடன் தொடரையும் கைப்பற்றியது.
4. இலங்கையை சேர்ந்தவர்களை விடுவித்த விவகாரம்: 2 வாலிபர்களும் வெளிநாட்டினர் என்பதை கவனத்தில் கொள்ளாதது ஏன்? புழல் சிறை கண்காணிப்பாளரிடம், ஐகோர்ட்டு நீதிபதிகள் கேள்வி
“இலங்கையை சேர்ந்த 2 வாலிபர்கள் சிறையில் இருந்து விடுவிக்கப்பட்ட விவகாரத்தில், அந்த 2 வாலிபர்களும் வெளிநாட்டினர் என்பதை கவனத்தில் ஏன் கொள்ளவில்லை?” என்று புழல் சிறை கண்காணிப்பாளரிடம் மதுரை ஐகோர்ட்டு நீதிபதிகள் கேள்வி எழுப்பினர்.
5. இலங்கைக்கு எதிரான டெஸ்ட்: நியூசிலாந்து அணி இன்னிங்ஸ் வெற்றி
இலங்கைக்கு எதிரான கடைசி டெஸ்ட் கிரிக்கெட் போட்டியில் நியூசிலாந்து அணி இன்னிங்ஸ் மற்றும் 65 ரன்கள் வித்தியாசத்தில் வெற்றி பெற்றது.