பழம்பெரும் திரைப்பட நடிகர் ராஜ் கபூரின் மனைவி மாரடைப்பினால் மரணம்

மும்பை,

இந்தி திரையுலகில் புகழ் பெற்ற நடிகர் ராஜ் கபூர்.  இவரது மனைவி கிருஷ்ணா மல்கோத்ரா (வயது 87).  இவர்களது திருமணம் கடந்த 1946ம் ஆண்டு நடந்தது.

இவர்களுக்கு ரந்தீர் கபூர், ரிஷி கபூர் மற்றும் ராஜீவ் கபூர் ஆகிய 3 மகன்களும், ரீத்து மற்றும் ரீமா ஆகிய 2 மகள்களும் உள்ளனர்.

இந்த நிலையில், இன்று காலை 5 மணியளவில் மாரடைப்பினால் கிருஷ்ணா ராஜ் கபூர் உயிரிழந்து உள்ளார்.  வயது முதிர்வும் மற்றொரு காரணம்.  அவரது மறைவினால் ஆழ்ந்த வருத்தம் அடைந்துள்ளோம் என ரந்தீர் கபூர் செய்தியாளர்களிடம் பேசும்பொழுது தெரிவித்துள்ளார்.

அவரது இறுதி சடங்குகள் செம்பூர் பகுதியில் நடைபெறும் என்றும் ரந்தீர் தெரிவித்துள்ளார்.