ரஜினிகாந்த்-விஜய் படங்களில், யோகி பாபு

திருமுருகன் தயாரிக்கும் ‘பட்டிபுலம்’ படத்தில் யோகி பாபு ஒரு மணி நேரம் வருவதை பெருமையாக கருதுகிறார், அந்த படத்தின் டைரக்டர் சுரேஷ். இதுபற்றி அவர் கூறியதாவது:-

“ஒரு படத்துக்கு நகைச்சுவை காட்சிகள் எந்த அளவுக்கு இருந்தால் ரசனை கூடும் என்று எனக்கு தெரியும். என் படத்தில் யோகி பாபு ஒரு மணி நேரம் வந்து அமர்க்களப்படுத்துவார். ‘பைக் ரேஸ்’சினால் ஒரு குடும்பம் எப்படி பாதிக்கப்படுகிறது? என்பதே இந்த படத்தின் கதை. யோகி பாபு, ‘பேய்’ என்ற வேடத்தில் வருகிறார்” என்றார்.

ஏ.ஆர்.முருகதாஸ் டைரக்‌ஷனில் ரஜினிகாந்த் நடிக்கும் புதிய படத்திலும், அட்லீ டைரக்‌ஷனில் விஜய் நடிக்கும் புதிய படத்திலும் முக்கிய நகைச்சுவை வேடங்களில் யோகி பாபு ஒப்பந்தம் செய்யப்பட்டு இருக்கிறார்.