திரைக்கு வரும் அமலாபாலின் சர்ச்சை படம்

ரத்னகுமார் இயக்கிய ‘ஆடை’ படத்தில் நிர்வாணமாக நடித்து பரபரப்பு ஏற்படுத்தினார். தமிழ் படங்களில் எந்த நடிகையும் இதுபோல் துணிச்சலாக நடித்தது இல்லை. 

சமீபத்தில் வெளியான படத்தின் டிரெய்லரில் அமலாபால் ஆடை இல்லாமல் நடித்த காட்சிகள் இருந்தன. சமூக வலைத் தளத்தில் இந்த டிரெய்லரை அதிகமானோர் பார்த்தனர். நிர்வாண காட்சியை 20 நாட்கள் படமாக்கியதாகவும் அத்தனை நாட்களும் அமலாபால் ஆடை இல்லாமலேயே நடித்ததாகவும் கூறப்படுகிறது. 

அமலாபாலின் துணிச்சலுக்கு வலைத்தளத்தில் பாராட்டும் எதிர்ப்புகளும் கிளம்பின.

விஜய் சேதுபதி ஜோடியாக ஒப்பந்தம் செய்து இருந்த படத்தில் இருந்து அமலாபாலை நீக்கி விட்டனர். ஆடை படத்தின் டிரெய்லரை பார்த்தே தன்னை நீக்கியதாக அமலாபால் குற்றம் சாட்டினார். 

இதுகுறித்து அவர் கூறும்போது, “ஆடை படத்தின் டிரெய்லர் வெளியான பிறகு என்னை நீக்கி உள்ளனர். இது பட நிறுவனத்தின் பிற்போக்குத்தனத்தை காட்டுகிறது” என்று கண்டித்தார். இதனால் பரபரப்பான எதிர்பார்ப்பில் இருக்கும் ‘ஆடை’ படம் இன்னும் 2 வாரத்தில் திரைக்கு வர இருக்கிறது. இந்த படத்தின் இன்னொரு டிரெய்லரை நயன்தாராவின் இமைக்கா நொடிகள் படத்தில் வில்லனாக நடித்தவரும், பிரபல இந்தி இயக்குனருமான அனுராக் காஷ்யப் சமூக வலைத்தளத்தில் இன்று வெளியிடுகிறார்.