நடிகர் விஜய்யின் ‘பிகில்’ படத்திற்காக புதிய ட்விட்டர் இமோஜி வெளியீடு

சென்னை,

விஜய்யின் பிகில் வெளியீட்டிற்கு முன்னதாக அந்த படத்தின் இமோஜியை ட்விட்டர் வெளியிட்டுள்ளது. இது படத்தில் அவரது பங்கைக் குறிக்கிறது. இந்த செய்தி விஜய்யின் அதிகாரப்பூர்வ கணக்கிலிருந்து பகிரப்பட்டு உள்ளது.

முன்னதாக, விஜய்யின் 2017 ஆம் ஆண்டு  திரைப்படமான மெர்சல், ரஜினிகாந்தின் காலா மற்றும் சமீபத்தில் பிரபாசின்  சாஹோ போன்ற பிரபலமான படங்களுக்கும் ட்விட்டர் இமோஜிகள் வெளியிடப்பட்டன.

பிகில் படத்தில் நயன்தாரா, ஜாக்கி ஷெரப், விவேக், கதிர், யோகி பாபு, ரோபோ ஷங்கர், ரெபா மோனிகா ஜான், இந்துஜா, வர்ஷா பொல்லம்மா, காயத்ரி ரெட்டி மற்றும் பலர் நடித்துள்ளனர்.