யோகி பாபு கதாநாயகனாக நடிக்கும் மற்றொரு படம், ‘மண்டேலா’

முன்னணி நகைச்சுவை நடிகராகி விட்ட யோகி பாபு, மேலும் ஒரு புதிய படத்தில் கதாநாயகனாக நடிக்கிறார். இந்த படத்துக்கு, ‘மண்டேலா’ என்று பெயர் சூட்டப்பட்டுள்ளது. ‘தர்மம்’ என்ற குறும் படத்துக்காக தேசிய விருது பெற்ற மடோன் அஷ்வின், கதை, திரைக்கதை, வசனம் எழுதி டைரக்டராக அறிமுகம் ஆகிறார்.

யோகி பாபு கதாநாயகனாக நடிக்க, அவருடன் ஷிலா ராஜ்குமார், கண்ணா ரவி, ஜி.எம்.சுந்தர், சங்கிலி முருகன் ஆகியோரும் நடிக் கிறார்கள். யோகி பாபு இதுவரை ஏற்றிராத வேடத்தில் நடிக்கிறார். எஸ்.சசிகாந்த் தயாரிக்கிறார்.

இது முற்றிலும் தேர்தல் அரசியலை மையப் படுத்திய நகைச்சுவை படம். ஒவ்வொருவரும் தாங்கள் நடந்து வந்த பாதையையும், கடந்து வந்த பிரச்சினைகளையும் நினைவூட்டும் வகையில் திரைக்கதை அமைக்கப்பட்டு இருப்பதாக டைரக்டர் மடோன் அஷ்வின் கூறுகிறார்.

படப்பிடிப்பு திருநெல்வேலி, தூத்துக்குடி ஆகிய இடங்களில் நடைபெற்றுள்ளது.