சூர்யாவின் புதிய படம்

சூர்யா தற்போது பாண்டிராஜ் இயக்கும் படத்தில் நடித்து வருகிறார். இந்த படத்துக்கு எதற்கும் துணிந்தவன் என்று பெயர் வைத்துள்ளனர். இதன் படப்பிடிப்பு இறுதி கட்டத்தில் உள்ளது. இந்தப் படத்தை தொடர்ந்து வெற்றிமாறன் இயக்கும் வாடிவாசல் படத்தில் சூர்யா நடிப்பார் என்று எதிர்பார்க்கப்பட்டது.

ஆனால் வெற்றிமாறன் தற்போது சூரி கதாநாயகனாக நடிக்கும் விடுதலை படத்தை இயக்கி வருகிறார். இந்தப் படத்தை முடித்து விட்டுத்தான் வாடிவாசல் பட வேலைகளை தொடங்க இருக்கிறார். எனவே அதற்கு முன்பாக புதிய படம் ஒன்றில் நடிக்க சூர்யா திட்டமிட்டிருப்பதாகவும் இந்த படத்தை சிவா இயக்க இருப்பதாகவும் தகவல் வெளியாகி உள்ளது. சிவா இயக்கிய ரஜினியின் அண்ணாத்த படம் முடிந்து தொழில்நுட்ப பணிகள் நடந்து வருகின்றன. அண்ணாத்த தீபாவளிக்கு திரைக்கு வருகிறது.