இப்படிக்கு தேவதை

அலுவலகத்தில் இருந்து வீட்டுக்கு வரும் உங்கள் கணவர் அலுவலக பணிச்சுமை, சக ஊழியர்களுடன் நடந்த விவாதம், போக்குவரத்து நெரிசல் போன்ற பல காரணங்களால் அழுத்தத்துக்கு உள்ளாகி இருக்கலாம். அதை உங்களிடம் பகிர்ந்து கொள்ளும் மனநிலைக்கு அவர் வரும் முன்பு, முதலில் தன்னை நிலைப்படுத்திக் கொள்வதற்கு அவருக்கு சிறிது கால அவகாசம் தேவைப்படும். அதற்குள் நீங்கள் கேட்கும் கேள்விகள் நல்ல நோக்கத்துக்காகவே இருந்தாலும், அது அவருக்கு எரிச்சலை உண்டாக்கும். 

எனவே சிறிது நேரம் அமைதியாக இருங்கள். அவர் உங்களிடம் பகிர்ந்து கொள்ளும்போது அமைதியாகக் கேளுங்கள். அதற்கு முன்பு நீங்களாக எதையும் தீர்மானித்து விடாதீர்கள். அவர் உங்களிடம் பகிரும்போது குறுக்கே கேள்விகளைக் கேட்காதீர்கள். எந்த பிரச்சினையையும் உங்களிடம் பகிர்ந்து கொள்ளலாம் என்ற நம்பிக்கையை அவருக்கு ஏற்படுத்துங்கள். ஆறுதலாக இருங்கள். இவ்வாறு செய்தால் அவரது மனநிலை மாறும். மகிழ்ச்சி உண்டாகும்.

பெரும்பாலான பெண்கள் சந்திக்கும் பிரச்சினையைத்தான் நீங்களும் சந்தித்து இருக்கிறீர்கள். தொடர்ந்து குடும்பத்தினரை கவனிப்பதிலேயே ஈடுபட்டு இருப்பதால், உங்களை கவனிக்க மறந்ததன் விளைவே இது. இதை உங்களுக்குள்ளேயே வைத்து இருந்தால் தீவிரமான பாதிப்புகள் ஏற்படலாம். எனவே உங்கள் குடும்பத்தினர் அனைவரையும் உட்கார வைத்து, உங்கள் நிலையைப் பற்றி பொறுமையாகக் கூறுங்கள். அவர்களுக்குப் புரிய வையுங்கள். 

வீட்டு வேலைகள் மற்றும் இதர வேலைகளை அவர்களுக்கும் பிரித்து கொடுங்கள். இதன் மூலம் உங்களுக்கான நேரம் கிடைக்கும். அந்த நேரத்தில் உங்கள் மனதுக்குப் பிடித்த செயல்களில் ஈடுபடுங்கள். வீட்டுக்குள்ளேயே அடைந்து இருக்காமல், மொட்டை மாடியில் சிறிது நேரம் நடக்கலாம். பரந்து விரிந்த வானத்தை ரசிக்கலாம். பிடித்த பாடல்கள் கேட்கலாம். இதன் மூலம் மனம் அமைதியாகும். நீங்கள் ஆரோக்கியமான மனநிலையில் இருந்தால், குடும்பத்தின் மகிழ்ச்சி மேலும் அதிகரிக்கும். வாழ்த்துக்கள்.