அண்ணா நினைவு தினத்தையொட்டி பள்ளி மாணவ, மாணவிகளுக்கு சைக்கிள் போட்டி
திருவண்ணாமலையில் நடைபெற்ற அண்ணா நினைவு மிதிவண்டி போட்டியில் 150–க்கும் மேற்பட்ட மாணவ, மாணவிகள் கலந்து கொண்டனர்.
திருவண்ணாமலை,
இந்த போட்டியினை மாவட்ட உடற்கல்வி ஆய்வாளர் முனியன் தலைமை தாங்கி கொடியசைத்து தொடங்கி வைத்தார். மாவட்ட விளையாட்டு அலுவலர் விஜயகுமாரி முன்னிலை வகித்தார். மாவட்ட மேம்பாட்டு திட்ட முதுநிலை மேலாளர் புகழேந்தி வரவேற்றார். இதில் திருவண்ணாமலை கிழக்கு போலீஸ் இன்ஸ்பெக்டர் முருகன், உடற்கல்வி ஆசிரியர்கள் மற்றும் விளையாட்டுத்துறை அலுவலர்கள், போலீசார் கலந்து கொண்டனர்.
இதில் 13 வயதிற்கு உட்பட்ட மாணவர்களுக்கு 15 கிலோ மீட்டர் தூரமும், மாணவியருக்கு 10 கிலோ மீட்டர் தூரமும், 15 வயதிற்கு உட்பட்ட மாணவர்களுக்கு 20 கிலோ மீட்டர் தூரமும், மாணவியருக்கு 15 கிலோ மீட்டர் தூரமும், 17 வயதிற்கு உட்பட்ட மாணவர்களுக்கு 20 கிலோ மீட்டர் தூரமும், மாணவியருக்கு 15 கிலோ மீட்டர் தூரமும் என நிர்ணயிக்கப்பட்டு தனித்தனியே நடத்தப்பட்டது. இதில் சுமார் 150–க்கும் மேற்பட்ட மாணவ, மாணவிகள் கலந்து கொண்டனர்.ஒவ்வொரு பிரிவிலும் முதல் 3 இடம் பெற்றவர்களுக்கு பரிசும், தகுதி சான்றிதழ்களும் வழங்கப்பட்டன. மேலும் 4 முதல் 10–வது இடம் வரை பெற்றவர்களுக்கு தகுதிச்சான்றிதழ் வழங்கப்பட்டது.