பா.ஜனதா கூட்டணியில் நவநிர்மாண் சேனா? தேவேந்திர பட்னாவிஸ் பதில்

மும்பை,

பாரதீய ஜனதா கூட்டணியில் ராஜ்தாக்கரே இணைய வாய்ப்பு உள்ளதாக கூறப்பட்டது. ஆனால், இந்த தகவலை தேவேந்திர பட்னாவிஸ் மறுத்துள்ளார்.

இது குறித்து அவர் கூறியதாவது:-

நான் ராஜ்தாக்கரேவை சந்திக்கவில்லை. அவருடன் கூட்டணி வைக்கும் எந்த திட்டமும் இல்லை. அவர்கள் எங்களுடைய கொள்கையில் இருந்து வேறுபட்ட கொள்கையை பின்பற்றுகிறார்கள். இருப்பினும் பல்வேறு பிரச்சினைகளில் நாங்கள் கவனம் செலுத்துவதை அவர் கருத்தில் கொள்ளும்பட்சத்தில் கூட்டணிக்கு வாய்ப்புள்ளது. எதிர்காலத்தில் இதுகுறித்து சிந்திப்போம்.

இவ்வாறு அவர் கூறினார்.