சுகாதார ஆய்வாளருக்கு அபராதம் விதித்த போலீசார்

மதுரை மாவட்டம் வலையங்குளம் வட்டார ஆரம்ப சுகாதாரநிலையத்தில் சுகாதார ஆய்வாளராக பணிபுரிபவர் மணிகண்டன். சம்பவத்தன்று இவர் அச்சம்பத்து பகுதியில் நடைபெற்ற கொரோனா தடுப்பூசி மையத்தில் பணி முடிவடைந்து  மேலவளூரில் உள்ள வீட்டுக்கு மோட்டார்சைக்கிளில் திரும்பி கொண்டிருந்தார்.
 இதனையடுத்து அவர் வீட்டிற்கு சென்றார். அப்போது அவரது செல்போன் எண்ணுக்கு அவரது வாகனம் ஊரடங்கை மீறி வெளியில் வந்ததாக கூறி ரூ.500அபராதம் விதிக்கப்பட்டதாக குறுஞ்செய்தி வந்தது. அதை கண்ட மணிகண்டன் அதிர்ச்சியடைந்தார்.
மேலும் கொரோனா முன்களப்பணியாளரான சுகாதார ஆய்வாளருக்கு உரிய அனுமதி பெற்ற நிலையில் போலீசார் அபராதம் விதித்திருப்பதாக கூறி மாநகர போலீஸ் கமிஷனருக்கு ஆன்லைன் மூலமாக புகார் அளித்தார். மேலும் இது குறித்து மதுரை மாவட்ட கலெக்டரை நேரில் சந்தித்து புகார் மனுவும் அளித்தார். அந்த மனுவில் கொரோனா பணியில் ஈடுபட்டு வரும் முன்களப்பணியாளர் எனக்கூறியும் போலீசார் எடுக்கும் நடவடிக்கைகள் தனக்கு மனஉளைச்சலை ஏற்படுத்தி உள்ளது. எனவே அரசு இது போன்ற நடவடிக்கையை தடுக்க வேண்டும் என்று தெரிவித்து இருந்தார்.